Термизликлар таркибида иккинчи даврада келиб қўшилган Рустам Турдимуродов дебют голини урди. Учрашувдан сўнг ҳужумчининг фикрлари билан қизиқдик.

- Янги жамоадаги дебют гол қандай ҳиссиётларни берди?

- Дебют гол, менга берилган имкониятдан фойдаландим. Очиғини айтганда таърифлаб бўлмайдиган ҳиссиётларни берди.

- Голга шахсан ўзингиз қандай таъриф берасиз? Ҳаракатларингизда қайси футболчига ўхшашлик бор?

- Машғулотларда тўпни қабул қилиш устида кўп ишлаган эдик. Бу ўйинда ўз самарасини берди. Болалигимдан Эден Азарни ўйинларини кўп кўрганман. Фикримча, уникига ўхшади.

- "Сурхон" фаолиятингизда янги жамоа. Клубдагилар қандай кутиб олди?

- Жамоа жуда яхши қарши олди. Ёш жамоа, ўйин амалиёти кўпроқ берилади. Тез мослашиб олганим ўзимга яхши бўлди.

- "Хоразм" билан ўйинда ғалабага нима етишмади?

- Иккинчи голдан сўнг эътиборни янада жамлашимиз керак. Айнан шу жиҳат етишмади.

Абдулазиз Искандаров суҳбатлашди

Рустам Турдимуродов: "Менга берилган имкониятдан фойдаландим"