"Биз дастлабки дақиқаларда яхши ўйнадик ва биринчи бўлиб гол урдик. Кейинчалик босим пайдо бўлди. Шу боисдан ўйиндан олдинги тузилган режалар иш бермади. Футболчиларим ўзларини кўрсата олишмади. Кўплаб голлар қўйиб юбордик. Рақиблар кучли ўйин намойиш қилди. Ўйин давомида Ўзбекистон термасини яхшигина қўллаб-қувватлашди. Бу ҳам ғалабанинг бир омили бўлди, футболчиларга куч бағишлади. Танаффусда футболчиларимга тўп билан кўпроқ бўлиб, ўйинни назорат қилишларини кўрсатма бергандим. Аммо иккинчи бўлимнинг бошида пенальтини ура олмадик. Бу ҳам йигитларга қўшимча босим берди.

Биз икки йил олдин йиғилганмиз. Ўшанда 14 ёшгача бўлганлар термаси номи остида йиғинлар олиб боргандик. Шу вақт давомида кўплаб муаммолар бўлди. Таркибнинг катта қисми ўзгарди, янгиланишлар бўлди. Рамазон ойида ҳам футболчилар шуғулланишди. Аммо шароитлар яхши бўлмагани учун бир тан бир жон бўла олмаяпмиз.

Тўғри, биз чемпионликни ҳимоя қилишимиз керак эди. Аммо биринчи ўйиндаги мағлубитга қарамасдан бизда имконият бор. Турнирга яхши шароитда тайёргарлик кўра олмадик. Буни тушунтириш қийин. Аммо вазиятга қараб ҳаракат қиламиз.

Бўлажак Осиё чемпионатида биринчи марта иштирок этяпмиз. Умуман олганда Афғонистон барча ёш категорияларида илк марта Осиё чемпионатида қатнашади. Бу турнирда биз гуруҳдан чиқишни режалаштиряпмиз. Ушбу турнир орқали биз яхши футболчиларни саралаб олишимиз керак. Менда бунданда яхшироқ футболчилар бор. Бироқ бу турнирда биз футболчиларни саралаб олишга мажбурмиз", - деди мураббий.

​Саид Ҳоди Козимий: "Ўзбекистон кучли ўйин кўрсатди"

Саид Ҳоди Козимий: "Ўзбекистон кучли ўйин кўрсатди"