Бугунги учрашувда рақибларимиз бизданда кўпроқ вазиятларга эга бўлишди. Аввало шуни айтиш жоизки, бугун рақибларимиз жуда фаол ўйин намойиш этишди. Биз бу жамоа аввалгисидан бутунлай ижобий томонга ўзгарибди.

Рақибларимиз томонидан уюштирилган кўплаб ҳужумларни баъзи вазиятларда ҳимоячилармиз бартараф этган бўлса, баъзи вазиятларда дарвозабонимиз қутқарди. Бугун дарвозабонимиз Мухриддин Ахмедов жуда яхши ўйнади. Лекин ўтказиб юборилган голда дарвозабонимизнинг бир оз айби бор, оддий вазиятда гол ўтказиб юбордик. Бу гол рақиблармизга руҳий устунлик берди ва жамоамиз бугунги ўйинда анча қийинчиликка дуч келди.

Бугун таркибимизда йўқотишлар бор эди. Асосий таркибда тўп сурувчи футболчиларимиздан Шарифжон Мирзаев, Бунёдбек Абдуманноновлард жароҳат туфайли ушбу учрашувни ўтказиб юборишди. Шунингдек бугун Каримберди Мамадалиев, Зокирбек Нурматовлар ҳам майдонда жароҳат билан тўп суришга мажбур бўлдилар, сабаби захирамизда ушбу футболчиларни ўрнини боса оладиган футболчилар йўқ.

Кета-кет ҳар 4 кунда ўйин ўтказаётганимиз, ўтган турда Бухоро вилоятига қилган сафаримиз жамоамиз аъзоларини анча толиқтириб қўйганди. Бу холат биринчи бўлим давомида яққол кўзга ташланди. Иккичи бўлим охирида биз 0:1 ҳисобида мағлубиятга учраётган эдик. Мана нега футбол 90 дақиқа ўйналади деган ибора бор? Жамоамиз футболчилари учрашув якунида ўз иродаларини намойиш этишди, майдонда чинакам характер кўрсатишди. Якунда биз ғалаба қозониб, навбатдаги 3 очкога эга бўлдик.

Айни дамда биз турнир жадвалида 27 очко тўплаб, учинчи ўринга кўтарилиб олдик. Биринчи даврани юқори ўринда тугатмоқчимиз. Кейинги турда сафарда “Хотира-79” жамоасига қарши майдонга тушамиз. Иккинчи ўринда бораётган “Шердор” жамоаси кейинги турда дам олади, биз агар сафарда “Хотира-79”ни мағлуб эта олсак, биринчи даврани иккинчи ўринда тугатишимиз мумкин.

Бекзод Толибов ёзиб олди.

Салимжон Зокиров: “Ўзгача “Локомотив-БФК”ни кўрдик”