"Рақиб оддий эмаслиги кўриниб турибди. "Хоразм" бизга қарши яхши ўйнади. Жамоа ўз олдига олий лигага чиқиш вазифасини қўйган. Бунга эришишлари мумкин. Ўзимизнинг ўйинга келсак йигитлар яхши ҳаракат қилишди ва кейинги босқичга чиқдик. Биз доим кубокка катта эътибор қаратиб келамиз. Сабаби Ўзбекистон кубоги ўз тарихига эга бўлган мусобақа", - деб гап бошлади Самвел Бабаян.

"Бугун ҳужумда бир қатор экспериметларни амалга оширдик. Кейинги ўйинларда бу бизга ёрдам бериши керак".

"Кейинги ўйинни Самарқандда ўтказамиз. Бу баҳсда одатдагидек тайёргарлик кўрамиз".

"Жамоамизда бир қатор хоразмлик футболчилар борлигини барча билади. Санъат Шихов, Жамолиддин Машарипов ва Жамшид Искандеров. "Хоразм" клуби ҳозир Хивада ўйнамоқда. У ердаги майдон ҳолати яхши эмаслиги маълум. Шу боис биз "Хоразм" клубига ўйинни Тошкентда ўтказиш борасида сўров билан чиқдик. Барча сафар ҳаражатларини ўзимиз тўлаб беришимизни айтдик. "Хоразм" клуби бунга ижобий жавоб берди. Бу жамоа сафидаги бир қатор ёш футболчилар Ўзбекистоннинг бош аренаси ҳисобланган "Пахтакор"да ўйнашди. Бундан ташқари бугунги баҳс СПОРТ телеканали орқали намойиш этилади", - дейди Бабаян.

Самвел Бабаян: "Пахтакор" кубокка доим катта эътибор қаратиб келган"