Мазкур учрашувдан сўнг жамоанинг тажрибали футболчиси Санъат Шихов фикрлари билан ўртоқлашди.

"Ўйин қийин бўлишини билар эдик. Рақиб сафида олимпияда йўлланмаси учун курашадиган футболчилар жамланган. Шунинг учун тактикани ўзгартирган ҳолда иккинчи рақам остида тўп тепдик. Менимча ўйинимиз ёмон чиқмади. Ҳар бир ўйинда натижа қандай бўлишидин қатъий назар уч очкога эга чиқиш хурсанд қилади. Ғалаба билан мухлисларни, клуб раҳбарларини табриклайман. Тўғрисини айтганда "Олимпик" менда ижобий таассурот қолдирди. Рақиб таркибида иқтидорли ва мақсади, келажаги бор футболчилар йиғилганлиги кўриниб турибди. "Олимпик" жамоаси менга ёқди. Бундай лойиҳани илгарироқ қилиш керак эди. Эсласангиз бизнинг авлодда ҳам бошида шундай жамоа ташкил қилинганди. Орадан бир неча йил ўтиб ёшлар ўртасидаги Жаҳон чемпионатига чиқдик. Жамоа кўп вақт бирга бўлса, битта оила сифатида жамланса ўзини натижасини беради. Бу жамоа узоққа боради, деб ўйлайман. Асосий футболчилар ҳам жалб қилинса янада кучли жамоага айланади",- дейди Шихов.

Санъат Шихов: "Олимпик" жамоаси лойиҳасини илгарироқ амалга ошириш керак эди"