Кейинги баҳс Теҳронда Эронга қарши бўлиб ўтади. Айнан шу икки ўйинда қўлга киритиладиган ғалаба терма жамоамизни мундиалга жуда яқинлаштиради. Мазкур ўйинлар олдидан собиқ футболчи Санъат Шиховнинг фикрлари билан қизиқдик.
"Терма жамоамиздан биринчи навбатда ҳужумкор ўйин кутмоқдаман, чунки айни пайтда барча легионерларимиз ўзининг оптимал формасида. Ўйлайманки, олдиндаги икки учрашувда ғалаба қозона оламиз. Фақатгина фикрни битта жойга қўйиб диққатни йўқотмаслик керак. Худо хоҳласа, иккита ўйиндан кейин Жаҳон чемпионати йўлланмасини ҳал қиламиз.
Фикримча, катта ўзгаришлар кўрмаймиз. Лекин ҳужумкорлик ва тўп назорати яхшиланса керак. Қисқа фурсатда ниманидир ўзгартириш имконсиз. Майда деталлар, стандартлар, ҳимоядан ҳужумга чиқишдаги ҳаракатларни ўзгартириш мумкин. Деярли барча футболчилар Кападзе билан аввал ҳам ишлаган ва мураббийнинг талабларини яхши билишади. Муҳими ҳозирда ҳамма йигитлар формада. Ҳаммаси яхши бўлишига ишонаман. Бу футболчиларимиз вазифани уддасидан чиқишади. Асосийси ўйин темпини белгилаб берадиган футболчиларимиз ўзининг оптимал ҳолатида. Шунинг ўзи етарли бўлиши керак",- дейди Санъат Шихов.
Изоҳлар