Германия термаси расмий твиттерининг хабарига кўра, 22 ёшли футболчи бош мураббий Йоахим Лёв билан суҳбатлашгач, жамоа жойлашган Мюхендаги меҳмонхонани тарк этди. У 9 сентябрь куни Перуга қарши кечадиган ўртоқлик учрашувида майдонга тушмайди.

Сане ЖЧ-2018 турнирида терма жамоадан чақирув олмаган бўлсада, Миллатлар лигаси турнирида Францияга қарши баҳсда у 83-дақиқада Марко Ройснинг ўрнига майдонга туширилганди.

Сане ва Лёв ўртасида ҳеч қанақа зиддият йўқ. У терма жамоа “лагери”ни шахсий сабаблар билан тарк этган. Kicker нашрининг хабар беришича, футболчининг қиз ўртоғи фарзанд кўриш арафасида. Шу боис Лерой унинг олдида бўлиш учун терма жамоадаги ҳамкасблари билан вақтинча хайрлашган.

Сане терма жамоа лагерини тарк этди