Ушбу баҳсда “Ал Сайлия” клуби шарафини ҳимоя қилаётган Санжар Шоаҳмедов иккинчи бўлимда майдонга туширилди. Шоаҳмедов учрашув ҳақида ўз фикрларини билдирди.

“Ал Гарафа”га қарши учрашувда энг керакли бўлган 3 очкони қўлга киритдик. Иккинчи бўлимда майдонга туширилаётганим ҳақида ҳеч нима дея олмайман. Мураббий шуни истамоқда, балки бу тактика билан боғлиқдир. Иккинчи бўлимдан сўнг биринчи бўлим мени захирадан майдонга туширмоқда.

Ўйиндан олдин мураббийимимз “тайёрланиб тур иккинчи бўлимда майдонга тушасан” дея таъкидлайди. Энди бу мураббийнинг ўзини хоҳшими ёки тактикасими, барчасини бош мураббий хал қилади. Ҳозирча ҳаммаси яхши кўз тегмасин.

Балки кейинги баҳсларда асосий таркибда майдонга тушарман. Барчаси мураббийга боғлиқ. Чемпионат ҳам якунланишига бор йўғи 3 та тур қолди. Қолганини вақт кўрсатади. Кейинги турда “Бунёдкор”нинг собиқ футболчиси Сато Минори жамоасига қарши баҳс олиб борамиз.

Клуб шартномада кўрсатилган барча шартларни амалга оширди. Яшаш шароити жуда ҳам яхши. Бизни барча қулайликлар қониқтирмоқда. Ҳамма нарсадан кўнглимиз тўқ”, - дейди “Ал Сайлия” клуби футболчиси Санжар Шоаҳмедов.

Жаҳонгир Сотволдиев суҳбатлашди.

Санжар Шоаҳмедов: “Кейинги турда Сато Минори жамоасига қарши ўйнаймиз”