Ўйин ҳақида

- Бугунги ўйин қийин руҳда ўтишини билардик. Ўйлашимча, "Андижон" Суперлига даражасидаги клуб саналади. Жамоанинг келгуси ўйинларида омад тилайман.

- АГМК футболчиларида баъзи ҳолатларда майдонда сирпаниш ҳамда пасларда ноаниқликлар кузатилди. Бу майдон ҳолати билан боғлиқми?

- Майдон ҳолати унчалик яхши эмасди. Лекин биз ҳам, рақиб ҳам бир майдонда тўп тепади. Бу баҳона бўла олмайди.

- Баъзилар сизни жуда қўпол ўйиш намойиш этишингизни ва бунинг натижасида жамоангизни ҳам қийин ҳолат қолдиришингизни айтишади. Ўзингиз бу ҳолатни қандай баҳолайсиз?

- Мен ҳеч қачон рақибга қасддан қўполлик қилмайман, сабаби, мен ҳам, рақибим ҳам футболчи, иккаламиз ҳам шу соҳанинг ортидан пул топамиз ва оила боқамиз. Уч маротаба қизил карточка олган бўлсам, қай бирини атайин қилган бўлишим мумкин. Мен жамоам манфаати учун ўз вазифамни бажараман. Жароҳатни душманимга ҳам раво кўрмайман. Жамоатчиликнинг ўзига яраша фикри бўлиши мумкин. Футбол курашувчанликни талаб қиладиган спорт тури эканлигини биласиз. Тўғри, бироз қаттиққўлигим бордир, лекин ҳеч қачон бировга жароҳат етказишни ўйламаганман.

- Келгуси босқичда қайси жамоага қарши рўбарў келишни хоҳлайсиз?

- Олдимизга чемпионлик вазифаси қўйилган, шу боис, жамоага қарши ўйнашимизнинг аҳамияти йўқ. Кубокнинг гуруҳ босқичидан кейин кучсиз жамоа қолмади. Шунинг учун, ҳар бир баҳсда ғалаба учун майдонга тушамиз.

Сардор Раҳмонов: "Жароҳатни душманимга ҳам раво кўрмайман"