“Ливерпуль”га қарши бизни қийин баҳс кутиб турибди, умуман ҳозир осон ўйиннинг ўзи қолмади. “Ливерпуль” айни пайтда Англиянинг энг кучли жамоаларидан бири. Ўтган йил улар ЕЧЛ финалига қадар етиб боришган. “Энфилд”да “қизиллар”га қарши туриш осонмас.

Баҳснинг қандай аҳамиятга эга эканлигини биламиз. Шунингдек, ўз имкониятларимиздан 100 фоиз фойдалана олсак, ҳар қандай стадиондан очко ишлай оламиз. Айни пайтда “Челси” руҳий ва жисмоний томондан ажойиб ҳолатда.

“Ливерпуль” босим уюштиради ва бу нормал ҳолат. АПЛда ғолиб бўлишни истаркансан, узоқ вақт босимларга дош бера олишингга тўғри келади. Бу сени фойдангга хизмат қилади. Босим асабийлашишга мажбур қилади ва шу билан бирга ўйинга иштиёқни оширади. Бунинг фойдаси катта.

“Челси” кучли тўртликка киришга уриниб кўради, бизга очколар зарур. “Ливерпул”га қарши очко ишлаш осон эмаслигини биламиз, аммо биз бор кучимиз билан бунга уриниб кўрамиз”, дея Саррининг сўзларидан иқтибос келтирмоқда “Челси” матбуот хизмати.

Сарри: “Бутун кучимиз билан “Ливерпул”дан очко олишга ҳаракат қиламиз”