Жамоа бош мураббийи Конференциялар Лигаси плей-офф босқичида "Клуж" билан дуранг билан тугаган ўйиндан сўнг (0:0) майдон ҳолатини қаттиқ танқид қилди.

Биринчи ўйинда гарчи баҳснинг дастлабки 15 дақиқасида Патрик майдонни қизил карточка туфайли тарк этган бўлса-да, Чиро Иммобиле томонидан киритилган ягона тўп Италия жамоасига устунликни тақдим этиб, жавоб ўйинидан сўнг кейинги босқичга йўлланмани кафолатлаб қўйди.

А Серия вакили устози Сарри ўйиндан кейин шундай фикрларни билдириб ўтди:

"Биз бу ерда футбол ўйнашимизнинг ҳеч қандай имкони йўқ эди. Биз футболга ўхшаш спортга мослашишга уриндик, чунки бу майдонда умуман футбол ўйнаб бўлмас эди.
Мен ҳар доим УЕФАнинг ҳурмат ҳақида гапираётганини эшитаман, лекин улар бундай майдонларда ўйнашни сўраш орқали футбол ва ўйинчиларни ҳурмат қилмаслигини кўрсатади. Бу шунчаки футбол эмас. Шундай бўлса-да, биз яхши ҳаракатландик ва афсуски, ғалаба қила олмадик".

Сарри: "УЕФА футболни ҳурмат қилмайди"