Мазкур учрашувдан сўнг “қалдирғочлар” дарвозабони Сарвар Каримов билан суҳбатлашдик.

Ўйин тўғрисида

- Бугунги ўйин 6 очколик баҳс эди десам асло муболаға бўлмасди. Шу боис жамоадошларим билан машғулотларда жиддий тарзда тайёргарлик кўргандик. Мақсадимиз ғалаба қозониш ва очколаримиз миқдорини кўпайтириб олиш эди. Вазиятлардан фойдалана олмаганлигимиз сабабли дуранг қайд этилди. Ютишни жуда ҳоҳлагандик.

- “Сўғдиёна” кўрсатган ўйин борасида фикрдасиз?

- Мезбонлар сафида тажрибали футболчилар бор. Табиийки, улар жамоанинг ўйинининг асосини ташкил қилади. Бугун жиддий қаршиликга дуч келдик. Шунга қарамай, биз ўйинда икки очко йўқотдик.

- Жамоанинг олдига қандай вазифа қўйилган?

- “Бунёдкор”нинг мақсади доимо совринли ўринларни эгаллаш бўлган. Шу сабабли ҳар бир ўйинга жиддий тайёргарлик кўриб, учрашувларда имкон қадар очко йўқотмаслик учун майдонга тушяпмиз. Ҳали мавсумнинг асосий ўйинлари олдимизда. Мазкур баҳсларда ижобий натижаларга эришиш учун охиригача курашамиз.

- Олган маълумотларимизга кўра, “Бунёдкор”да молиявий ҳолат яхшиланган...

- Ҳа албатта. Молиявий аҳволимиз яхшиланмоқда. Клуб яна “Ўзбекнефтгаз” қармоғига ўтди. Ўйиндан олдин йиғилиб қолган мукофат пулларимизни ярмини олдик. Ўйлашимча, жамоамизда эндиликда молиявий муаммолар бўлмайди.

Сарвар Каримов: “Сўғдиёна” билан ўйиндан олдин йиғилиб қолган мукофат пулларимизни ярмини олдик"