"Нефтчи"га қарши кечган беллашувда "темирйўлчилар" 7:4 ҳисобида ғалаба қозонишди. Учрашувдан кейин "Локомотив" клуби тажрибали футзалчиси Сарвар Шоаҳмедов ўз фикрлари билан ўртоқлашди.

"Футзал бўйича янги мавсум бошлангани билан барчани табриклайман. Таркибимиз анча янгиланди. Терма жамоа футболчилари тарк этганидан кейин кўпроқ ёшларга имконият тақдим этилмоқда. Жамоамиз мавсум давомида яхши натижалар кўрсатишга эътибор қаратади. Дейлик, мана шу ўринни оламиз? деган вазифа йўқ.

"Нефтчи" қандай жамоа эканини билардик. Ўтган йилда ҳам уларга ўйнаганмиз. Жамоа ёмон эмасди. Қийин ўйин бўлишини билардик. Биз уларга яхшироқ тайёргарлик кўрганимиз, ўйин давомида сезилди. Натижада, ғалаба қозондик.

Мавсум давомида нечта гол уришимни очиғи билмайман. Мен учун асосийси жамоа ғалаба қозонишда давом этса, катта ютуқ ҳисобланади.

"Максам-Чирчиқ" билан баҳсда ғалаба қозониш учун майдонга тушамиз. Жамоа анча ёш, кўп ҳаракат қилади. Қолаверса, таркибида бир нечта тажрибали футболчилари бор. Қийин ўйин бўлади", – деди Шоаҳмедов.

Сарвар Шоаҳмедов: "Муҳими, жамоамиз ғалаба қозонса бўлди"