Миллий терма жамоалар ўртасида бўлиб ўтадиган навбатдаги Осиё Кубоги Саудия Арабистонининг учта шаҳрида ўтказилади: Ар Риёд, Жидда ва Ал Хобар. Ушбу мусобақага 2027 йил Саудия Арабистони мезбонлик қилиши 2023 йил Баҳрайн пойтахти Манамада ўтказилган ОФКнинг 33-Конгрессида маълум қилинганди.

Бугун ОФК сайти мусобақа 2027 йил 7 январдан старт олиши ҳамда 5 февралга қадар давом этиши ҳақида хабар берди. Ўйинларга Ар Риёддаги бешта стадион мезбонлик қилади:

1. "Қирол Фаҳд" стадиони (сиғими: 70 минг)

2. "Қирол Сауд университет" стадиони (сиғими: 25 минг)

3. "Имам Муҳаммад ибн Сауд" стадиони (сиғими: 21 минг)

4. "Кингдом Арена" (сиғими: 26 минг)

5. "Ал Шабаб" стадиони (сиғими: 14 минг)

Бундан ташқари Жидда шаҳридаги иккита стадион - "Қирол Абдуллоҳ" (сиғими: 60 минг) ва "Шаҳзода Абдуллоҳ Ал Файсал" (сиғими: 25 минг) ўйингоҳларида, шунингдек Ал Хобарда жойлашган "Ал Хобар Нью Стэдиум" (сиғими: 45 минг) ўйингоҳида ҳам учрашувлар ўтказилади.

Маълумот учун, 30 кун давом этадиган 2027 йилги Осиё Кубогида 24та терма жамоа иштирок этади. Мусобақа жами 51 учрашувдан иборат бўлади.

Саудия Арабистони - мезбон, Осиё Кубоги 7 январь куни старт олади