Яқиндагина терма жамоа бошқарувини қўлга олган руминиялик мутахассис илк бор шогирдларини машғулотда 25 декабрда синаб кўради. 26 декабрда эса саудияликлар Австралияга йўл олишади. Терма жамоа манфаати йўлида чемпионат ва кубок учрашувларини тўхтатиб туришга Саудия Арабистони ички мусобақаларини ўтказишга жавобгар ташкилот рози бўлмади.

Натижада кеча бўлиб ўтган кубок баҳсларидан кейин футболчилар 2 кун дам олиб, кейин терма жамоа йиғинига етиб келишади. Охирги ҳафталарда Саудия Арабистонида "Иттиҳод" - "Шабаб", "Шабаб" - "Насср", "Аҳли" - "Иттиҳод" ва "Иттиҳод" - "Ҳилол" каби жиддий тўқнашувлар кузатилди. Терма жамоага "Ҳилол"дан 8, "Насср"дан 6, "Аҳли"дан 6, "Шабаб"дан 4 ва "Иттиҳод"дан 2 футболчи чақирилган. Бу ўйинчилардан 3 нафари якуний рўйхатдан ўрин олмайди.
Cаудия Арабистони термаси 30 декабрь куни Мельбурнда Баҳрайн ва 4 январь куни Сиднейда Жанубий Корея билан ўртоқлик учрашувлари ўтказади.

Саудия Арабистони терма жамоаси таркиби
Дарвозабонлар - Абдуллоҳ Судаири (Ал Ҳилол), Абдуллоҳ Алэнази (Ал Насср), Волид Абдуллоҳ (Ал Шабаб).
Ҳимоячилар - Абдуллоҳ Доссари, Ёсир Шаҳрани (Ал Ҳилол), Ҳассан Фаллатаҳ, Мажид Маршади (Ал Шабаб), Мотаз Ҳавсави, Осама Ҳавсави, Саид Муваллад (Ал Аҳли), Омар Отман (Ал Насср).
Ярим ҳимоячилар - Авди Ҳамис, Иброҳим Ғолиб, Яҳё Шеҳри (Ал Насср), Фаҳад Муваллад (Ал Иттиҳод), Мустафо Албассас, Тайсир Жассим, Волид Бакшин (Ал Аҳли), Наваф Обид, Салман Алфараж, Салим Давсари, Сауд Карири (Ал Ҳилол).
Ҳужумчилар - Абдулраҳмон Ғамди (Ал Иттиҳод), Муҳаммад Саҳлави (Ал Насср), Наиф Ҳазази (Ал Шабаб), Носир Ал Шамрони (Ал Ҳилол).

Саудия Арабистонининг 26 футболчидан иборат таркиби эълон қилинди