Саудия Арабистони клублари "Манчестер Юнайтед" ҳимоячиси Ҳарри Магуайрни сотиб олмоқчи, деб ёзмоқда "The Sun".

Нашр 32 ёшли англияликни таркибига қўшиб олмоқчи бўлган клублар номига аниқлик киритмаган. Шу билан бирга, ҳимоячининг ўзи ҳам 2025/26 йилги мавсум охиригача "Манчестер Юнайтед"ни тарк этиш ниятида эмас. Саудия Арабистонида трансфер ойнаси 23 сентябрга қадар очиқ бўлади.

"Манчестер Юнайтед" 2025/26 йилги мавсумдан кейин Магуайрни эркин агент сифатида йўқотиши мумкин; 2026 йилнинг январидан бошлаб у бошқа клублар билан музокара олиб бориш ҳуқуқига эга. Англияликлар футболчини Саудия Арабистони клубларидан бирига трансфер қилиш орқали пул ишлаб олиши мумкин.

Футболчининг МЮ билан битими 2026 йилнинг 30 июнида тугайди. 2024/25 йилги мавсум у 40 ўйинда 4 та тўп киритган ҳамда 1 та голга ассистентлик қилган.

Transfermarkt футболчининг трансфер қийматини 13 млн еврога баҳоламоқда.

Саудия Арабистонининг икки клуби МЮ ҳимоячисига қизиқмоқда