Маълумотларга кўра, ўтган ҳафта "Барселона" Саудия Арабистони клубларидан янги таклиф олган. Клуб ҳали унга жавоб бергани йўқ, чунки мавсумнинг ҳал қилувчи палласи энди бошланмоқда.

Саудияликлар Рафинья учун "Барселона" талаб қилганидан кўпроқ таклиф қилишмоқда. Ўшанда Каталония клуби ўз футболчиси учун 80 млн. евро сўраган эди.

Вингерга Саудиянинг 4та клуби - "Ал Ҳилол", "Ал Насср", "Ал Иттиҳод" ва "Ал Аҳли" қизиқиш билдирмоқда. Футболчининг ўзи "Барселона"дан кетмоқчи эмас, аммо клуб уни сотишни кўриб чиқмоқда.

Рафинья жорий мавсум ЛаЛиганинг 20та учрашувида майдонга тушиб, 4та гол урди ва 6та голли пас берди.

Саудияликлар "Барселона"га 80 млн. евродан кўпроқ таклиф қилишди