Ушбу давлат дастурига кўра юртимизда кенг кўламли ишлар олиб борилмоқда. Шу жумладан “Ўзбекистон Темир Йўллари" Акциядорлик Жамияти ва “Локомотив” футбол клуби ҳам ўзининг кичик ҳиссани қўшиш мақсадида бир қатор тадбирларни режалаштирган.

Юқорида айтиб ўтилган дастурга мувофиқ равишда “Локомотив” футбол клуби ҳамда “Zarqand“ савдо белгиси “1 июнь - Ҳалқаро болаларни ҳимоя қилиш куни” муносабати билан пойтахтимизда жойлашган 25-махсус Даунизм ва Аутизм синдроми билан даволанаётган мактаб ўқувчиларига қувонч улашиш мақсадида “Сенинг шодлигинг учун, Болажон” хайрия тадбири ўтказилди. Ушбу тадбирга биноан 25 мактабда болажонларимизни байрам билан табриклаш мақсадида“Локомотив” рахбарияти, клуб футболчилари, “Zarqand“ савдо белгиси ва мактаб ўқувчилари ўртасида футбол учрашуви ташкил этилди.

Ушбу хайрия тадбирида дастлаб болажонлар билан давра сухбати ўтказилди. Дастлаб “темирйўлчилар” сардори Темур Копадзе болаларни байрам билан табриклади ва уларга футболга қандай кириб келгани ҳақида сўзлаб берди. Ўз навбатида тадбиримиз ҳамкори “Zarqand“ савдо белгиси компанияси директори Азизов Абдуҳамид ҳам сўзга чиқиб барча болаларни компания номидан табриклади. Шундан сўнг “Локомотив” футбол клуби бош директор ўринбосари Тўлабек Акрамов, “Zarqand“ савдо белгиси компанияси директори Азизов Абдуҳамид ва “Локомотив” футболчилар болаларга ўз совғаларини улашдилар.

Бу тадбир ўз ниҳоясига етгач барча мактаб футбол майдончасига чиқди ва мактаб ўвучилари ва “Локомотив” футболчилари ўртасида футбол учрашуви ташкил этилди. Учрашув якунлангач футболчиларимиз мактаб ўқувчиларига ўз махоратларини намойиш этдилар.

Футбол учрашуви якунлангач мактаб рахбарияти, ота-оналар ва ўқувчилар “Ўзбекистон Темир Йўллари” Акционерлик компанияси, “Локомотив” футбол клуби рахбарияти, клуб футболчилари ва “Zarqand“ савдо белгиси жамоасига омад тиладилар.

Ўзбек халқи азалдан болажон халқ. Бизнинг келажагимиз бўлмиш болажонларни ҳар томонлама қўллаб-қувватлаш халқимизнинг энг ажойиб фазилатларидан бири. “Локомотив” футбол клуби ва Zarqand“ савдо белгиси яна бир кўплаб бу каби қувончли онларни болажонларимиз билан ўтказишни режалаштириб олди. Зеро, бундай тадбирлардан мақсад фарзандларимизни келажакда Ватанимиз шарафини ҳимоя қиладиган, байроғини ҳалқаро майдонларда юқорига кўтарадиган инсонлар бўлиб етишишида оз бўлса ҳам хизмат қилади.