"Бундай ўйинлардан сўнг нима дейишга ҳам ҳайронсан. Муаммо ўз имкониятларимиздан фойдалана олмаслигимизда. Ёмон ўйнадик ёки йигитлар бор куч билан ўйнашмади дея олмайман. Оддий вазиятда пенальти бўлди. Энг асосий муаммоимиз бу яратган вазиятлардан фойдалана олмаслигимизда", - дейди Лушан.

Ўйиннинг энг яхши футболчиси деб топилган Шакер Зуаги ҳам матбуот анжуманида иштирок этди.

"Мураббийимиз барча гапни айтиб қўйди. Бундай ўйинларда битта иккита вазиятдан гол уриш керак. Афсуски юта олмадик. Рақиб ҳеч нима қилгани йўқ, фақат қарши ҳужумда ўйнади", - дейди Зуаги.

- Ҳакамлар сўнгги 4та ўйинда "Бунёдкор" 3та пенальти бегилашди. Бу ҳакамлар билан боғлиқми ёки ҳимоячиларингиз шу қадар қўполми?

- Йўқ ҳакамларда айб йўқ. Ҳимоячиларимиз ва Акбар Тўраев жамоа учун фойда келтиришга уринишди. Бироқ ўхшамади.

- Сардор Рашидов мавсум бошини жуда ёмон ўтказмоқда. Бу нима билан боғлиқ?

- Билганимда эди. Матбуот уни футбол даҳосига чиқариб қўйишди. Шу боис ҳам ёш йигит ўз ўйинини кўрсата олмаяпти.

- Сиз доим тезкор ўйин тарафдори эдингиз. Бугун шуни кўрмадик...

- Нега энди футболчиларимиз тез ҳаракат қилишди. Лекин рақиб катта куч билан ҳимояланишди. Шу боис сизга ташқаридан шундай туюлганди.

- "Бунёдкор" кетма-кет иккинчи ўйинда ўз майдонида гол ура олмаяпти. Гол уриш учун яна нечта ҳужумчи ёки нечта имконият керак?

- Бу саволга жавоб бера олмайман.

- Рақиб кўпчилик бўлиб ҳимояланса узоқдан зарба бериш керак эмасми? 10та зарба беринглар гол бўлади.

- Тўғри. Лекин узоқдан зарба бериш ҳам осон эмас. Бунинг учун футболчилар маҳоратга эга бўлишлари лозим.

Нарзулла Сайдуллаев

Сергей Лушан: "Энг асосий камчилигимиз - вазиятдан фойдалана олмаслик"