Муросасиз курашларга бой бўлган баҳсга кўплаб мухлислар ташриф буюришди. Учрашув бошида "Сергели"нинг 29-рақамли футболчиси "Бунёдкор А" жарима майдончасида йиқилди, ҳакам эса бунга ишонмай ўйинчига сариқ карточка кўрсатди. "Сергели" футболчилари рақиб "Бунёдкор А" бўлишига қарамай, кўпроқ ҳужумга эътибор қаратди. Жамоа сардори Санжар Юлчиев ўзи ҳаракат қилаётган ўнг қанотда рейдлар амалга оширди ва ҳужумлар хавфли тус олишини таъминлади.

Биринчи бўлимда голга тортувчи вазиятлар кўп бўлгани йўқ.

Сариқ карточка олган Тожибоев Равшан иккинчи бўлимда ўзини кўрсата олди. "Бунёдкор А" жарима майдончаси ичида икки футбочини ажойиб ҳаракатлари эвазига алдаб ўтган Равшан дарвоза томон зарба берди ва рақиб посбони тўпни қайтара олмади. Стадионга йиғилган 150га яқин мухлисларнинг деярли барчаси "ГОООЛ!" дея бақириб юборди. "Бунёдкор А" бош мураббийи мувозанатни тиклаш учун ўзгаришлар амалга оширди.

"Қалдирғочлар" ҳисобни тенглаштириш учун кўпчилик бўлиб ҳужумга ўтишди, аммо "Сергели" футболчиларининг ҳимоядаги ишончли ўйини бунга имкон бермади.

Ҳакам учрашув якунланишини билдирувчи хуштагини чалганидан сўнг кўплаб мухлислар майдонга тушиб кетишди ва ғалабани футболчилар билан нишонлашди.

Шундай қилиб, "Сергели" жамоаси "Мустақиллик Кубоги" соҳибига айланди.

"Сергели" - "Бунёдкор А" 1:0

Гол: Тешабоев Равшан 59.

"Сергели": Ботиров Обид, Мўйдинов Илёс, Усмонов Миртемир, Қорабоев Элбек, Туропов Даврон, Каримов Шаҳзод, Муҳамедов Абдулла, Илҳомов Маъмур, Хотамбоев Достон, Тешабоев Равшан, Юлчиев Санжар.

Захира: Юлдашев Сардор, Хайдаров Баҳодир, Муратов Ботир, Ахунбоев Алишер, Эргашев Хумоюн, Садуллаев Нодир, Рўзметов Тохир.

"Бунёдкор А": Қиличев Жавоҳир, Аҳмаджонов Хожиакбар, Жўрабоев Алижон, Суюнов Миржалол, Мирзааҳматов Раҳматилла, Ҳакимжонов Орифжон, Абдумаликов Абдужалол, Жуманкулов Аббос, Абдусаломов Жаҳонгир, Носиров Аббос, Турдибоев Нуриддин.

Захира: Муҳриддинов Дилмурод, Ахадов Зиёвуддин, Маметов Асадбек, Холмуҳаммедов Афзал, Мирхосилов Шаҳзод, Абдунабиев Билол, Абдуҳамидов Камрон.

Учрашувда олинган энг сара суратларни бу ерда томоша қилишингиз мумкин: ФОТОГАЛЕРЕЯ

"Сергели" "Мустақиллик Кубоги" ғолиби!