"Вилоят ҳокими, ЎФА раҳбарияти ва Ўзбекнефтгаз раҳбарияти томонидан катта иш қилинди. 9 февраль куни Тошкентда Ўзбекнефтгаз раҳбари Муҳиддин Абдуллаев бошчилигида йиғилиш ўтказилди. У кишига клубни қўллаб-қувватлагани, Ўзбекнефтгаз қарамоғидги клубларнинг молиялаштирилиши яхшилангани учун миннатдорчилик билдираман.

Асосий таркиб режа бўйича ишламоқда. 8 нафар футболчи терма жамоалар сафида йиғинда. Улар 18 февраль куни етиб келишади, "Насаф" Тошкентга боради ва 3та назорат учрашуви ўтказади. 1 март куни Қаршида Ўзбекистон Суперкубогидан олдинги назорат ўйини ўтказилади. 6 март куни Суперкубок учун "Пахтакор"га қарши баҳс бўлади. Селекция ишлари давом этмоқда.

Футбол мактабимиз ўқувчилари ўқишга қайтишди ва режа бўйича дарсларга қатнашмоқда.

Клубимизнинг ашаддий футбол мухлисларига мурожаат қилмоқчиман, "Насаф" яшаган, яшамоқда ва яшашда давом этади. "Насаф"да барчаси жойида", - дейди Сергей Кучеренко видеомурожаатда.

Сергей Кучеренко: "Насаф" яшаган, яшамоқда ва яшашда давом этади"