- Ўйин ҳақида ҳеч нарса дейишга ҳожат йўқ. Ютқаздик. Натижа ҳаққоний бўлди. Дуранг ўйнашимиз ҳам мумкин эди. Аммо "Локомотив" даражасидек жамоаларга қарши баҳсда ҳимоядаги биргина хато ҳам қимматга тушади.
Мавсумни янада яхшироқ ўтказишимиз ҳам мумкин эди. Ёки аксинча, ёмонроқ бўлиши ҳам мумкин эди. Ҳозирги кунда жамоамиз кўрсата оладиган натижаси бу иккинчи ўрин. Футболчиларнинг бор имкониятидан тўлиқ фойдаландик. Бундан ортиғига ҳозирча кучимиз етмайди. Агарда янада жиддийроқ вазифаларни бажармоқчи бўлсак, унда 3 нафар юқори даражадаги футболчиларни жамоага олишимиз керак. Масалан Жепаров ёки Кападзе даражасидаги футболчиларни жамоага олиб келишга молиявий имкониятларимиз етмайди. Аммо биз ўзимизга керакли бўлган футболчиларни изламоқдамиз. Юқори савиядаги футболчиларни топишга ҳаракат қиламиз. Баъзилар билан музокаралар ўтказилмоқда.

- Агарда "Бунёдкор" финалга йўлланмани қўлга кирита олмаса, бу сизнинг фаолиятингизга таъсир қиладими?
- Мени олдимда ҳозирда хориждан бешта таклиф мавжуд. Бу мени қизиқтирмайди. Мени ўзимнинг эътирозларим бор, балки менга бошқа эътирозлар бўлиши мумкин. Мен ўз ишимни бажардим. Бундан кўнглим тўқ, сабаби виждоним тоза. Мени ишимни эса клуб раҳбарияти баҳолайди. Улар нима деса шу бўлади.

- Мавсум аввалида сиз "Бунёдкор" ҳар учала фронтда (ОЧЛ, Олий лига, Ўзбекистон кубоги) ғолиблик учун курашади дегандингиз. ОЧЛ ва Олий лигада вазифалар бажарилмади. Энди фақат Ўзбекистон кубоги қолди...
- Мен ўз ҳаётимни ушбу ўйиндаги ғалаба ёки мағлубиятга аралаштирмайман. Бу футбол. Унда нима бўлишини билмайман. Жамоани учрашувга тайёрлайман. Қандай ўйнашимизни эса вақт кўрсатади. Хотиржам ишлайвераман. Чунки бу мавзу мени ўйлантирмайди. Агарда менга ишлашга имкон беришса, унда буни ўйлаб кўраман. Агарда истеъфога чиқаришса, клубга миннатдорчилик билдириб кетаман. Истеъфо бу муаммо эмас. Мен ўз ишимни кўрсатиб қўйганман. Ишсиз қолишдан кўпроқ нима қилишни билмайдиганлар қўрқишсин.

- "Локомотив" билан бўладиган ярим финал жавоб баҳси олдидан жамоада йўқотишлар йўқми, жароҳатланганлар масалан?
- Жамоада бу борада бироз муаммолар бор. Сато, Жавлон Иброҳимов, Нурматов шамоллаган. Ўйинга ким тайёр бўлса ўшани майдонга тушираман. Асосий таркибни аниқлаётганда фамилияларга эътибор қаратмайман.

Сергей Лушан: "Истеъфо? Мени олдимда хориждан бешта таклиф бор"