"Турнир жадвалидаги ўриндан келиб чиқадиган бўлсак, биз учун ҳам, рақиблар учун ҳам ўйиннинг муҳимлиги йўқ эди. Чемпионатда шундай ўйинлар бўлмоқдаки, нима учун ўйнаётганингни ҳам билмайсан. Қолганларни билмадиму, мен учун шундай туюлмоқда.

Жамоам сўнгги вақтларда қийин учрашувларни жуда кўп бора ўтказди. "Қўқон-1912"га қарши учрашувдан кейин шогирдларим тикланиб олиши учун 20 соатгина вақтга эга бўлди. Бизга Бундеслига футболчилари керак. Улар одам эмас, робот.

Яна тақвим борасида сўров. Ҳа, биз бу борада кўп ўқияпмиз, эшитяпмиз. Хатолар бор, буни тўғрилаймиз. Бироқ бу учрашув ҳеч кимга керак бўлмади. Иккита керак бўлмаган голларни урдик. Бу рақибларнинг хатоси туфайли бўлди.

Молиявий қийинчиликлар, умуман олганда жамоада қандай муаммолар бўлишидан қатъи назар "Бунёдкор" - ўзбек футболининг байроқдор жамоаси. Кетма кет уч йилдан "Бунёдкор" фақатгина академиядаги футболчиларига таяниб ўйин кўрсатмоқда. Клубни ҳеч ким қўллаб-қувватламаяпти. Бу шармандалик, барча учун шармандалик. Бу менинг фикрларим. Шунчаки, жамоанинг ушбу ҳолатига қараш жуда қийин. Светнинг ўчирилгани, сув берилмагани...

Бунга жавоб берадиган, жавобгарликни ўз бўйнига оладиган кимдир борми? Одамларни уйғотмоқчиман. Бу стадион, академияни қуриш учун оз маблағ кетганми? Миллионлар сарфланган. Барчамиз биргаликда қўллаб-қувватлайлик. Буни талаб қиламан. Шунчаки ачинарли.

Санжар Рашидов: "Оғир ўйин бўлишини кутгандик. Очко олишга ҳаракат қилдик. Иккита гол ургандан кейин ғалаба қозона олмаслик аламли экан"

Сергей Лушандан жиддий гаплар. Буни барча ўқиши керак