"Севилья"нинг асосий жамоаси мухлисларнинг ҳужумидан сўнг тунни машғулот майдонида ўтказишга мажбур бўлди.

"Севилья" якшанба куни эрталаб эълон қилган баёнотда, жамоа шанба куни "Сельта"га 2:3 ҳисобида имкониятни бой берганидан сўнг ўзининг Хосе Рамон Сиснерос спорт шаҳарчасига қайтганида, уларни "ўта шафқатсизлик билан ҳаракат қилган уюшган радикаллар гуруҳи" кутиб олганини тасдиқлади.

Баёнотда айтилишича, биринчи жамоа жойлашган қароргоҳ ҳудуди ҳатто бир қатор инсонлар томонидан эгаллаб олинган. Мухлислар билан можаро қандай якунлангани ҳозирча номаълум.

Маълумот ўрнида, "Севилья" айни пайтда 38 очко жамғарган ҳолда Ла Лигада 15-ўринда юрибди.

"Севилья" мухлислари клуб қароргоҳида тартибсизликлар келтириб чиқарди: Жамоа тунни машғулот майдонида ўтказди