Ўйининг 14-дақиқасида таблодаги ҳисоб 2:0 эди. Бундан ташқари "Ал Васл" 8-дақиқадаёқ 10 киши бўлиб қолганди.
Иккинчи тайм бошида "Шабаб Ал Аҳли" легионери Карлос Эдуардо жаримадан узатилган тўпни боши билан дарвозага йўллаб ҳисобни қисқартирди. 56-дақиқада ўзбекистонлик Азизжон Ғаниевнинг ажойиб тарзда узатиб берган тўпини яна ўша Карлос Эдуардо боши билан дарвозага йўллади - 2:2.
Ўйин сўнггига қадар ҳисоб ўзгармади ва "Шабаб Ал Аҳли" 12та турдан сўнг 16 очко тўплаб, мусобақа жадвалининг 8-поғонасида бормоқда.
Ғаниев жамоаси кейинги турни 15 январь куни ўз майдонида "Ал Наср"га қарши ўтказади. 7 январь куни Араб Кўрфази кубоги доирасида "Хорфаккан" клуби меҳмони бўлади.
Изоҳлар