Ким қайси терма жамоада тўп суриши, қайси терма жамоа қандай натижаларга эришганлиги бу чемпионатда аҳамиятсиз, йўлда давом этишинг учун қаршингдан ким чиқса албатта ютишинг шарт.

Россия яшил майдонларида ўтаётган футбол бўйича 21-жаҳон чемпионатига таркибида Иньеста, Иско, Рамос, Пике каби машҳур футболчилари бор Испания келди. Бу терма жамоанинг ўйинларидан завқландик, мириқиб томоша қилдик. Кимга қанақа, ҳар кимнинг ўз дунёқараши бор, шахсан менга бу чемпионатда Испания терма жамоаси таркибида Иско ва Иньестанинг ўйинлари ёқди. Лекин афсуски, нимчорак финалда мезбонлари билан тўқнаш келган Испания мундиални тарк этди, ҳа энди биз уларнинг ўйинларини бу чемпионатда кўрмаймиз.

Бу шафқатсиз чемпионат бизнинг Осиё қитъасининг энг сўнги вакили Япония терма жамоасидан ҳам айирди. Бу терма жамоа нимчорак финалда ушбу мундиалда фаворитлар қаторида эътироф этилаётган Бельгия терма жамоаси билан тўқнашди, мардларча курашди, бизнинг қарашимизга кўра енгилмади, шунчаки рақибдан кўра кўпроқ гол ўтказиб юборди холос. Шу тариқа бу чемпионатда қитъамизнинг энг сўнги вакилини ҳам кузатиб қўйишга мажбур бўлдик.

ЖЧ-2018га таркибида Каспер Шмейхель, Кристиан Эриксен каби машҳур футболчилари бўлган Дания келди. Улар нимчорак финалда Хораватия терма жамоаси билан учрашди, асосий ва қўшимча вақтларда ғолиб аниқланмади, пенальтилар сериясида омад улардан юз ўгирди. Ҳа шафқатсиз турнирни Дания терма жамоаси ҳам тарк этди.
Сиз ЖЧ-2018ни кўришда давом этиб бу мундиал янги номларни, янги иқтидорларни кашф қилишда давом этади. Олдинда турган чорак финаллар бунданда қизиқарли ўтиши турган гап, зеро бизни Бельгия-Бразилия учрашуви кутмоқда. Ана ундлан кейин яна фикрлашармиз...

Бекзод Толибов.

Шафқатсиз мундиал-2