"Бунёдкор" - "Машъал" (2:0) учрашувидан сўнг биз ҳужумчининг фикрлари билан қизиқдик.

"Машъал" раҳбарияти менга ўтган мавсум тугагач таклиф билан чиқишганди. Муборак клуби бир неча йилдан буён барқарор ўйин намойиш этиб келаётгани учун шу ерга келишга қарор қилдим. Олдимда 3-4та вариант бор эди. Ўйлаб кўриб "Машъал"ни танладим", - дейди Эркинов.

- Орада Малайзияга ҳам бориб келдингиз...

- Ҳа тўғри, Малайзияга бориб келганим рос. Бироқ у ерга жисмонан тайёр бўлмаган ҳолда боргандим, шу боис қайтишга тўғри келди. Клубда қолишим мумкин эди, аммо февралгача кутишим керак эди. Бу вариант менга маъқул келмади.

- "Машъал" жамоаси сизни қандай кутиб олди? Рақобатга тайёрмисиз?

- Клуб мени яхши кутиб олди. Бир қатор футболчилар билан аввалдан танишмиз. Бу борада муаммо бўлгани йўқ. Албатта, рақобатга тайёрман. Бу ўсишга ёрдам беради. Таркибда ёш ҳужумчилар кўп, уларнинг қандай ишлаётганини кўриб турибман.

- Бахтиёр Ашурматов кетгани учунгина "Навбаҳор"дан кетдингизми?

- Бу ҳам сабаблардан бири бўлди. Аммо шу йил 90 фоизга "Навбаҳор"дан кетишим аниқ эди. Ишонсангиз клубнинг футболчилардан ҳамон қарзи мавжуд. "Лочинлар" сафига янги мураббий келди, янги жамоа шаклланмоқда. Шу боис кетишга қарор қилдим.

Нарзулла Сайдуллаев суҳбатлашди

Шаҳбоз Эркинов: "Барқарор ўйин намойиш этиб келаётгани учун "Машъал"ни танладим"