- Ўйин жуда қийин кечиши кутилганди. Яхши ҳамки бахтимизга тезкор гол уришга муваффақ бўлдик. Бу эса кейинчалик ўйинни ўз назоратимизда ушлаб туришга имкон берди. Қолаверса иккинчи давранинг ўзида ушбу жамоа билан ўз майдонимизда иккинчи бор учрашганимиз учунми улар ҳақида етарли маълумотга эга бўлиб улгургандик.

Асосийси, иккала жамоа ҳам очиқ ўйин кўрсатгани айниқса мухлисларга учун қизиқарли бўлди, деб ўйлайман.

Соврин ҳақида? (Шу куни Эркинов фаолиятидаги голлари 100тадан ошгани учун "Геннадий Красницкий клуби"га аъзолиги соврини билан тақдирланди- муаллиф).
Албатта фаолиятдаги ҳар қандай соврин унинг нуфузидан қатъи назар кишига ёқимли кайфият бахш этади. Насиб этса бундан кейин ҳам голларимиз сонини янада купайтириб, “юзлик” довонларнинг кўпини босишга ҳаракат қиламиз.

- Ушбу соврин терма команда мураббийлар штабига Шаҳбоз Эркинов номини эслатиб, бош жамоага яна йўл очадими?
- Бу аввало ўзимга, ўйинимга боғлиқ. Ўзбекистондаги ҳар бир футболчи миллий терма жамоа мураббийлари кузатувидадир. Агар унга муносиблигимизни исботлай олсак, албатта термадан чақирув оламиз. Бунинг учун эса устимизда ҳали кўп ишлашимиз керак.

“Бухоро” ПФК Матбуот хизмати.

Шаҳбоз Эркинов: “Ҳар қандай совринни қўлга киритиш ёқимли”