Афсуски, тошкентликлар 87-дақиқада ўтказиб юборилган гол эвазига ғалабани қўлдан чиқаришди.

ОЧЛ. "Пахтакор" ғалабани қўлдан чиқарди

Ўйиндан кейинги матбуот анжуманининг дастлабки қисмида шаржаликлар бош мураббийи Абдулазиз Ал Анбари иштирок этди.

"Пахтакор" ажойиб жамоа эканлигини бугун кўрсатди. Ўйиндаги дуранг биз учун жуда яхши натижа деб ўйлайман. Ўйин жиҳатидан ҳам, гуруҳдаги вазият бўйича ҳам", - деди Ал Анбари.

- Бугунги ўйин ҳужумкорликдан кўра ҳимоявий кўриниш олди. Бунинг сабаби нима?

- Чунки "Пахтакор" биздан фарқли равишда тетикрок эди. Уларда мавсум энди бошланган. Бизда чарчоқ аломатлари йўқ эмас. Ундан ташқари, юқорида айтиб ўтдим дуранг бизни қониқтирарди. Қайтариб ўтаман, бу ўйиндаги 1 очко "Шаржа"ни тўла-тўкис қаноатлантирди.

Эслатиб ўтамиз, гуруҳда 4-турдан кейин "Шаржа" 8 очко билан пешқадамликни сақлаб турган бўлса, "Пахтакор" 3 очко билан учинчи ўринда бормоқда.

"Шаржа" устози: "Дуранг бизни мутлақо қониқтирди"