Ўтган мавсумни "Пахтакор"да ўтказган ярим ҳимоячи Шароф Муҳитдинов қишки трансферлар чоғида "аждарлар" сафига қайтишга қарор қилди. Хўш бунга нима сабаб бўлди? Россиянинг "Волгар" клубига қарши ўртоқлик ўйинидан сўнг футболчи бу ҳақида тўхталиб ўтди.

"Ўтган мавсумни оладиган бўлсак, ўйин жиҳатидан анча формамни йўқотдим. Лекин мақсадимга эришдим. Ўзбекистон чемпиони бўлиш ҳамма футболчининг орзуси ҳисобланса керак. Менда шу соврин етишмаётганди. Ўзим учун яхши янгилик бўлди.

Ундан олдин қандай жамоага бораётганимни билардим. Биринчи даврада ҳаммаси кўнгилдагидек кетаётганди. Иккинчи даврада бир нечта футболчилар қайтгач тактик-схемалар ҳам ўзгариб кетди. Бошқа жамоалардан таклиф олдим. Лекин "Насаф" иккинчи уйим. ОЧЛга муносиб тайёргарлик кўряпмиз. Мақсадимиз "Банияс"ни мағлуб этиб гуруҳ босқичига чиқиш. Биз учун ОЧЛ биринчи, ОФК иккинчи даражада", - дейди Шароф Муҳитдинов.

Шароф Муҳитдинов: "Насаф" иккинчи уйим, "Пахтакор"да формамни йўқотиб қўйдим"