Учрашувдан сўнг ўйиннинг энг яхши футболчиси деб топилган Шерзод Насруллаев фикрлари билан ўртоқлашди.

"Ўйин бироз қийин ўтди. "Андижон" бизга яхши қаршилик кўрсатди. Лекин, бундай майдонда пас ўйнашга қийналдик. Натижани ушлаб қолиш учун охиригача ҳаракат қилдик. Ҳа, чиройли ўйнадик демаган бўлардим чунки, майдон яхши ўйин кўрсатишга имкон бермади. Голдан кейин озгина бўшашдик. "Андижон" турнир жадвалининг сўнгги поғонасида кетаётганига қарамасдан уларни йўқотадиган нарсасий йўқ эди. Шунинг ҳисобига қўрқмасдан ўйнашди, олдинга ўтиб кўпчилик бўлиб ҳужум уюштиришди. Ғалаба қозонганимиздан хурсандман. Интилишда ва меҳнат қилишда давом этамиз",- дейди Насруллаев.

Абдулазиз Искандаров ёзиб олди.

Шерзод Насруллаев: "Майдон ҳолати чиройли ўйнашга имкон бермади"