Бу ҳақда чоршанба куни Пеле касалхонага ётқизилган клиниканинг матбуот хизмати маълум қилди.

"Тиббий кўрикдан сўнг бемор оддий палатага ётқизилди, реанимация ёки ярим реанимация бўлимига ётқизиш талаб қилинмади. Собиқ футболчи ҳаётий фаолияти тўлиқ назорат остида, клиник ҳолати барқарор", – дейилади хабарда.

Шунингдек, футболчининг қизларидан бири Пеле унга буюрилган дори-дармонлар курсига мослашиш учун касалхонада эканлигини айтди.

2021 йил сентябрида Пеле йўғон ичакдаги ўсимтани олиб ташлаш учун операция қилинганди. 8 декабрь куни у даволаниш учун касалхонага ётқизилиши режалаштирилган эди. Кейинчалик Пеленинг ичаклари, жигари ва ўпкасида ўсмалар борлиги ҳақида маълумот пайдо бўлди. Пеле сўнгги ойларда ўтказган кимётерапия бразилияликнинг танасидаги ўсмаларга ҳеч қандай таъсир кўрсатмади.

Маълумот ўрнида, Пеле 82 ёшда бўлиб, уч карра жаҳон чемпиони (1958, 1962, 1970) саналади.

Пеле: "Олтинчи юлдузни интизорлик билан кутяпман"

Шифокорлар Пеленинг ҳолати барқарор эканлигини тасдиқлашди