- "Локомотив"га қарши финал учрашувига яхши маромда тайёргарлик кўряпмиз. Кайфият анча зўр. Биз бир жамоа бўлиб, бир ёқадан бош чиқариб мавсумнинг энг муҳим беллашувига жиддий ёндошяпмиз.
Ўзбекистон кубоги финал баҳсини бемалол "йил ўйини" десам ҳам бўлади.

Финалда биргина Гадоев эмас, бутун жамоа ўйнайди. Шу боисдан ҳам финалда жамоавий ўйинга таяниб ҳаракат қиламиз. Бизда жамовий ўйин яхши шаклланган. Ҳамма футболчи бир-бирини яхши тушунади.
Агарда жамоам ғалабасига ҳиссам тегса бундан албатта бениҳоят хурсанд бўлардим.

Тўғри, 2 йил аввал Ўзбекистон кубогини қўлга киритгандим. "Бунёдкор"нинг ҳозирги таркибидан фақат Зуҳуров, Иброҳимов, Ғофуров ва менда Ўзбекистон кубоги соврини бор. Кўпчилик ёш футболчиларда эса ушбу соврин йўқ. Финалдан кейин эса барча футболчиларда ушбу соврин бўлишига умид қиламиз.
Барча футболчи ўз номини тарихга муҳрлаб қўйгиси келади.

Финалда ҳар қандай жамоа бор кучи билан ҳаракат қилади. Ким кўпроқ ғалабани истаса ва қайси жамоа яхши тайёргарликка эга бўлса, ўша жамоа якунда ғалаба қозонади. Ўзбекистон кубоги кимга насиб этишини вақт кўрсатади.

Финалда гол урсам-у, жамоам ғалаба қозонса, унда буни антиқа услубда нишонлаш режам бор. Қандай режа эканлиги ҳозирча сир бўлақолсин.

Шоҳрух Гадоев қайси антиқа режасини сир сақламоқда?