Боиси, эртанги учрашувлар кўп нарсаларга ойдинлик киритиб беради. “Бунёдкор” ва “Суғдиёна” учрашуви Осиё Чемпионлар лигасининг навбатдаги иштирокчисини аниқлаб беради. Баҳсга бўлган қизиқиш ўта юқори даражада. Улуғбек Бақоев шогирдларини фақат ғалаба қониқтиради. Ўйиндан олдин сайтимизга интервью берган Шоҳруз Норхонов ортга йўл йўқлигини алоҳида таъкидлади.

- Шоҳруз айни дамда жамоадаги футболчиларнинг кайфияти қандай? Шунинг баробарида эртанги муҳим ўйин олдидан фикрларингизни билдириб ўтсангиз...
- Биз эртага боримизни бериб, уч очко учун ҳаракат қиламиз. Дуранг ҳам ижобий натижа ҳисобланмайди. Ўйлашимча, мухлисларбоп шиддатли ўйин бўлади.

- “Сурхон” ва “Насаф”билан ўйинларда керакли очколар йўқотилди. Бу жамоанинг руҳий ҳолатига салбий таъсир қилмадими?
- Ҳозир яхши ҳолатдамиз. Барча вазиятни тўғри тушуниб турибди. Битта ўйин қолди, омад кимга кулса учинчи ўрин ва ОЧЛ йўлланмаси ўшаники бўлади.

- “Суғдиёна” Тошкентда “Бунёдкор” меҳмони бўлади. Кўрганмиз, аксарият клублар уларга қарши ҳимоявий ўйин таклиф қилади. Лекин, айни пайт вазият бошқача. Шундай экан эртага қандай футбол намойиш этасизлар?
- Рақиб ҳужумкор услубга мослашган. Мураббийимизнинг кўрсатмасига биноан тўп тепамиз. Ҳозирдан сирларни очмоқчи эмасман. Келинг, барчасини эртага ўйинда кўра қолинг.

- Агарда, ОЧЛ йўлланмасини қўлга киритолмаган тақдирда ҳам, ушбу мавсум “Суғдиёна” учун юқори нотада ўтди десак бўладими?
- Бу саволга учрашувдан сўнг жавоб олсангиз тўғри бўлса керак.

Абдулазиз Искандаров суҳбатлашди

Шоҳруз Норхонов: “Ҳозирдан сирларни очмоқчи эмасман. Барчасини ўйинда кўрасиз”