Европа Лигаси. "Рома" "Лудогорец"га мағлуб бўлди. Шомуродов эса 67-дақиқада майдонга тушиб мавсумдаги илк голини урди!

Ўйинда мезбонлар 2:1 ҳисобида ғалабага эришди. Римликлар сафида Элдор Шомуродов 2-тайм ўрталарига яқин Андреа Белоттининг ўрнига майдонга чиқди ва жамоа сардори Лоренцо Пеллегринининг узатмасидан кейин рақиб дарвозасини боши билан чиройли тарзда ишғол этди.

Шу вақтгача ўзбекистонлик футболчилар (маҳаллийлаштирилганлари билан бирга) орасида Миржалол Қосимов (1 та), Владимир Шишелов (1 та), Одил Аҳмедов (2 та) ва Владимир Маминов (1 та) Европа Лигаси (эски номи УEФА Кубоги) финал раундида тўп киритишга эришганди.

Қайд этиш жоизки, Шомуродов мусобақанинг саралаш босқичида ҳам гол урган. Бу 2020 йил “Ростов” сафида “Маккаби Хайфа”га (1:2) қарши баҳсда юз берганди. Шунингдек, квалификация раундида ўзбекистонликлардан Жафар Ирисметов (1 та), Улуғбек Бақоев (1 та), Александр Гейнрих (3 та), Марат Бикмаев (3 та), Одил Аҳмедов (1 та), Санжар Турсунов (1 та), Тимур Кападзе (3 та), Камолиддин Мурзоев (1 та) ҳам ўз номини ёздириб қўйишган.

Римликлар гуруҳ босқичидан ўрин олган 2-тур учрашувини 16 сентябр (23:59)да ўз майдонида ХИКга қарши ўтказади.

Аҳмедов, Шацких, Қосимов... Европа Лигасида ўйнаган ўзбек футболчилари

⚡️ Шомуродов Европа Лигаси финал раундида гол урган нечанчи ўзбекистонлик?