Юзага келган танаффусдан фойдаланиб сайтимиз мухбирлари ПРО-Лига клублари футболчилари билан боғланиб, уларнинг фикрларини мухлисларга тақдим этмоқдалар. Қуйида "Зомин" клуби етакчи футболчиларидан бири Шохжаҳон Аббосовнинг фикрлари билан танишишингиз мумкин.

"Жорий мавсумда ПРО-Лигада кучли жамоалар жам бўлган, рақобат жуда қизғин бўлмоқда. "Зомин" таркибида кучли футболчилар жам бўлган. Жамоамиз бош мураббийи Жаҳонгир Жиямуродов ва мураббийлар штаби бизни ҳар бир ўйинга жиддий ҳозирламоқдалар.

ПРО-Лига ўйинларини марказлаштирилган холда ташкил этилиши бу футболчилар орасида вирус юқиш хавфини камайтиради. Ўйинлар орасидаги танаффус кўп бўлмайди, чемпионатнинг қолган қисмини ўтказиб олишга имкон яратилади.

Ўтган мавсумда В ПРО-Лигада ўйнагандик, бу йилдан ПРО-Лигада иштирок этаяпмиз. Биласизми, ПРО-Лигада 3 та тур ўтказдик ва ўйинларнинг ўтган йилгидан фарқи катта эканлигини кўрмоқдамиз. Ҳар бир ўйинга астойдил тайёргарлик кўриб, мавсум якунида ўз олдимиздаги вазифаларни уддалаймиз деган умиддаман" - дейди Аббосов.

Бекзод Толибов ёзиб олди.

Шохжаҳон Аббосов: "Жорий мавсумда ПРО-Лигада кучли жамоалар жам бўлган, рақобат жуда қизғин бўлмоқда"