Ушбу турда “Обод” клуби ўз уйида “Олмалиқ” жамоасини қабул қилиб ўзи учун керакли бўлган 3 очкони қўлга киритди. Баҳсдан сўнг “Обод” клуби ҳужумчиси Шохруз Норхонов ўз фикрларини билдириб ўтди.

“Биз учун ушбу 3 очко олтинга тенг бўлди. Санжар Риҳсибоев рақиб дарвозасини ишғол қилганидан сўнг жамоадошларим руҳланиб кетди. Биринчи бўлимда рақибларимиз бир киши кам бўлиб қолишди. Иккинчи бўлимда ҳам яна бир “Олмалиқ” футболчиси ҳакам томонидан четлатилди. Ғалабани қўлга киритишимизда ушбу четлатишлар ёрдам берди, деб ўйлайман. Учрашувда кўплаб вазиятлар яратдик, аммо улардан унумли фойдалана олмадик. Ғалаба қозонганимиздан хурсандман. “Андижон” билан бўладиган ўйин олий лигада қолиш ёки қолмаслигимизни хал қилади”, - дейди “Обод” жамоаси футболчиси Шохруз Норхонов.

Жаҳонгир Сотволдиев

Шохруз Норхонов: “Олий лигада қолиш ёки қолмаслигимизни “Андижон” билан бўладиган ўйин хал қилади”