Аммо Штутгарт шаҳри шарафини ҳимоя қилувчи жамоа сўнгги йилларда ўзидан кутилган ўйинни намойиш қила олмай келмоқда. Шу боисдан "Штутгарт" нинг янги президенти жамоанинг трансфер сиёсатини ўзгартиришга қарор қилди.
клубни бу мавсумда ҳам омадсиз ўйинлар таъқиб қилмоқда. Жамоа биринчи давра якунига кўра ўнинчи поғонани банд этиб турибди. Шонли ўтмишга эга бўлган жамоа учун бундай ўрин ярашмаслиги табиий. Шу сабабдан "Штутгарт" жамоаси янги президенти этиб сайланган Бернд Вайлер трансфер сиёсатига ўзгартириш киритишга қарор қилди.

"Штутгарт" кўп йиллардан буён юқори нархларга четдан ўйинчи ҳарид қилиб эмас, балки ўзидан ёш истеъдодларни етиштириб чиқариш орқали фаолият юритиб келарди. Янги сотиб олинадиган футболчилар учун ҳам унчалик қиммат нархлар тўланмас эди. Бунинг натижасида клубнинг натижалари анча пасайиб кетди. Бу ҳолатдан чиқишни кўзлаётган янги раҳбар, четдан қиммат нархга бўлса-да яхши ўйинчилар сотиб олмоқчи.

"Биз энди олти - етти миллионга бўлса-да яхши ўйинчилар ҳарид қиламиз. Бир нечта ўйинчини кўз остимизга олиб қўйдик. Уларни сотиб олиш учун керагича сарфлашга тайёрмиз", - дейди "Штургарт" спорт директори Фреди Бобич.

"Штутгарт" бундай шов-шувли трансферларни қишдаёқ амалга ошириш ниятида. Кўрамиз, қиммат ўйинчилар сотиб олиниши жамоага қай даражада наф берар экан…

"Штутгарт" энди трансфер сиёсатини ўзгартиради