“Авваломбор меҳмонларни ғалаба билан табриклайман. Бугун ҳар иккала жамоа футболчиларига осон бўлгани йўқ. Бугунги иссиқ об-ҳавода футбол ўйнаш қийин. Бугунги учрашувда йирик мағлубиятга ҳам, ғалабага ҳам эришишимиз мумкин эди. Охир-оқибат таркибида тажрибали футболчилари бор жамоа ғалабани илиб кетди. Мухлисларимизга миннатдорчилик билдираман. Улар бугун жамоамизни қўллаб-қувватлашди, футболчилар ҳам борини бериб ўйнашди, уларга ҳам раҳмат айтаман.”-дея гап бошлади Файзиев.

-Мавсум бошидан бери кузатиб келяпмиз, жамоа биринчи бўлимда яхши ўйнаяпти, лекин иккинчи бўлимга келиб бунинг аксини кўрмоқдамиз. Нега?
-Тўғри, жамоамиз жисмонан анча суст. Лекин ҳозир буни тўғрилаш анча қийин. Давралар орасида бунинг устида ишлаш керак бўлади.

-Нега Хауши заҳирада қолдирилди?
-У кўп хатолар қила бошлади ва айнан унинг хатосидан сўнг “Шуртан”дан учинчи голни қабул қилиб олдик. Шу сабабли уни бугун захирада қолдирдик.

-Мағлуб бўлган бўлсак ҳам, лекин бугун жамоа ҳарқачонгига нисбатдан яхшироқ ўйнади. Бу айнан сизнинг машғулотларингиздан кейин бўлди. Айнан сиз нимани ўзгартирдингиз?
-Жамоамизда ҳужумчи йўқ. Мен Жамол Убайдуллаевни ҳужумчи позициясига қўя бошладим. Яна бир бор айтаман, футболчилар борини бериб ўйнашди.

-Кейинги режалар қандай?
-Ҳозирча ҳеч қанақа режа туза олмаймиз. Бу ўйин бизга раҳбарият томонидан сўнгги имконият сифатида берилганди. Ютсаларинг ишлайсанлар, йўқми, аризани ёзинглар дейилганди. Шу сабабли эртага нима бўлади, айта олмайман.

Шуҳрат Файзиев:"Мухлисларимиз ва футболчиларимиздан миннатдорман"