- Ўйин ҳақида
- Фурсатдан фойдаланиб, ўзим ва клубимиз номидан барча юртдошларимизни Мустақиллигимизнинг 30 йиллик байрами билан табриклайман. Жаннатмакон юртимизга кўз тегмасин илоҳим. Шунингдек, бир инсонга алоҳида миннатдорчилик билдирмоқчиман. "Андижон" клуби раҳбари Журъатбек бизни илиқ кутиб олган холда муносиб иззат-икром кўрсатишди.
Куни кеча ўйинолди машғулот жараёнида аввал кўрмаган холатимга дуч келдим. Биз машғулот ўтказаётган майдонга "Андижон" вакиллари ҳам кириб келишди. Бир майдонда икки жамоа ўйинолди машғулот олиб боришди. Очиғи, жуда ҳам хайратдаман. Одатда меҳмонни ҳурмат қилиш керак. Бу борада ЎзПФЛни қонун-қоидалари бор. Шу сабаб машғулот ўтказмасдан ҳам майдонни тарк этдик. Бизни ҳурмат қилишмаса ҳам, ЎзПФЛни ҳурмат қилишлари керак. Ҳаммаси яхшиликка бўлсин.
Бевосита энди ўйин ҳақида айтадиган бўлсам, қўлдан келганича "Андижон" раҳбарияти стадионни ўйинга тайёрлаб беришган. Майдон борасида озроқ қилинадиган ишлар бор, лекин бу ерда астойдил ҳаракат қилингани кўриниб турибди.
Футболчиларимизга катта раҳмат айтаман, майдонда улар меҳнат қилишади. Бугун футболчиларимиз кўрсатмаларни аъло даражада бажаришди.
- Жамоада асосан, ёшлар ўйнайди. Улар билан тарбиявий ишлар ҳам олиб бориладими?
- Бошқа жамоалар ҳақида айтмоқчи эмасман, лекин бизда тарбиявий ишлар жойида олиб борилади.
- Бу савол Икромовнинг голни нишонлаши юзасидан берилди. У мухлисларга қарата хунук ҳаракатни амалга оширди...
- Шахсий фикримча, Фарруҳ бу ерда мухлисларга нисбатан ножўя ҳаракат қилмади. Уни ёшлигидан буён биламан. Одобли йигит, бундай ҳаракатни амалга оширмайди. Агар мухлислар унинг ҳаракатидан ранжишган бўлса, Фарруҳнинг номидан узр сўрайман.
- "Андижон"ни Суперлигада қолиш имкониятларини қандай баҳолайсиз?
- Бу жуда қийин савол. "Андижон” бугун чиройли гол урди. Адашмасам, жамоанинг 6 нафар футболчиси бизнинг тарбияланувчилар ҳисобланади. Ҳамма жамоада имконият бор, омад ҳам керак футболда. "Андижон"га навбатдаги тур учрашувларида омад тилайман.
Изоҳлар