Шуҳрат Тошпўлатов: "Эндиликда қўлга киритиладиган ҳар бир очко олтинга тенг бўлади"

Aslanov Jasurbek
15 nov 2021
Coca-Cola Суперлиганинг 24-туридан ўрин олган қолдирилган "Насаф" - "Қўқон-1912" (3:1) учрашувидан сўнг мезбонлар мураббийи Шуҳрат Тошпўлатов матбуот анжуманида иштирок этди.





Ўйин ҳақида

- Жамоада Рўзиқул Бердиевнинг ўрни барибир бошқача. Биз мураббийлар штаби ўйин давомида бош мураббий томонидан тайёрлаб қўйилган кўрсатмаларни футболчиларга етказдик. Бугунги ғалабадан албатта хурсандмиз.

Йигитларга катта раҳмат айтаман. Бугун яхши жамоага қарши ўйин ўтказдик. "Қўқон-1912" қарши ҳужумда фаол ўйнайди ва стандартлардан унумли фойдаланади. Бугун улар бизга қаттиқ қаршилик кўрсатганларига қарамай йигитлар фаоллик эвазига ғалабани қўлга киритишди ва 3 очко эгасига айландик. Мусобақа жадвалида 2-ўринни қўлга киритиш учун охиригача курашамиз.

- "Сурхон" билан ўйинда йигитларга руҳий босим таъсир кўрсатди деб ўйлайсизми?

- Ҳисобда 2:0 ҳисобида олдинда бораётганингизда истайсизми, йўқми хотиржамликка бериласиз. Баъзи вазиятларда консентрацияни йўқотиб қўйдик ва якунда 2 та гол ўтказиб юбордик. Айтиб ўтганимдек навбатдаги ўйинларга жиддий тайёргарлик кўрган холда иккинчи ўрин учун жиддий курашамиз.

- Жиззахда "Сўғдиёна" билан ўтадиган ўйин медалларни ҳал қилади деб ўйлайсизми?

- Эндиликда ҳар бир ўйиннинг қадри баланд ва қўлга киритиладиган очко олтинга тенг бўлади. Албатта Жиззахда ижобий натижага эришишга ҳаракат қиламиз. "Сўғдиёна" билан 2 марта ўйнадик ва ғалабага эришганмиз. Албатта бу ўйинда ҳам ғалаба учун майдонга чиқамиз.

- Дониёр Нарзуллаевнинг холати қандай?

- Ҳозирча бирон нарса дейиш қийин. Нарзуллаев тиззасидан жароҳат олди. Клуб шифокорлари билан гаплашиб кўриб сўнг унинг холатига ойдинлик киритамиз.

- "Сурхон" билан ўйиндан сўнг жамоани руҳан ва жисмонан тайёрлаш қандай бўлди?

- Такрор айтаяпман, бу футбол. Унда кимдир мағлуб бўлади,дуранг ўйнайди ёки ғалабага эришади. Ҳар 4 кунда бир учрашув ўтказаяпмиз, шу сабаб бугунги ўйинга йигитларни кўпроқ руҳан тайёрладик.

- Хусайин Норчаевнинг тўпурарлик пойгасидаги имкониятларини қандай баҳолайсиз?

- Норчаев голлар урмоқда, биз бундан хурсандмиз. Тўпурарлик пойгасида ҳам албатта омад тилаймиз.

- Сизнингча, жорий мавсумда Марко Станоевичнинг ўйинида пасайиш кузатилмадими?

- Марко профессионал футболчи ҳисобланади. Унинг ўйинида пасайиш кўрганим йўқ. Эътибор қаратган бўлсангиз, у сўнги 2 ўйинда 4 та голли узатма берди.


Aslanov JasurbekМақола муаллифи
Муқова: championat.asia

Изоҳлар

Pulatbek Otamurodov
15 nov 2021
Andijon hamda Surxon bilan uyinda yuqotilgan ochkolar oxirida zararimizga ishlamasinda
BarsAndijon
15 nov 2021
Насаф хохласа уз максадига етади.мехр курсатса ничья уйнаб куйоради
Maqsad
15 nov 2021
Хусайин Норчаевнинг тўпурарлик пойгасидаги имкониятларини қандай баҳолайсиз? - Норчаев голлар урмоқда, биз бундан хурсандмиз. Тўпурарлик пойгасида ҳам албатта омад тилаймиз.
Шухрат Эргашев
15 nov 2021
Шухрат Тошпулатов, Нурали Султонов, Зафар Холмуродов билан "залотой" инсонлар. Бердиевни суянган тогларидан булар. Вактида майдонда хам шунака булган.
drakon93
15 nov 2021
Nasafga omad