Ушбу баҳс олдидан “Нефтчи” футболчиси Шукурали Пўлатов ўз фикрларини билдириб ўтди.

“Пахтакор”га қарши учрашувга мураббийларимиз бизни ҳар томонлама тайёрлашди. “Бунёдкор” билан бўлган ўйинда учралган мағлубиятдан сўнг, хатоларимиз устидан ишладик. “Пахтакор” билан бўладиган ўйинга жиддий тайёргарлик кўрганмиз. Бугун мухлисларга ёқадиган ўйин бўлади. “Шерлар”ни жамоавий ўйин эвазига енгишимиз мумкин. “Пахтакор” – “Нефтчи” қарама-қаршилиги ҳар доим шиддатли бўлган. Бугунги ўйин ҳам чиройли ўтади, деб ўйлайман. Статистикага қарйдиган бўлсак, ҳар бир учрашув жанговар руҳда ўтганини билдириб туради. Бугунги ўйинда мухлисларимиз учун майдонга тушамиз ва ғалаба қозонишга ҳаракат қиламиз. Суперлигадаги биринчи ғалабамизни бугун қўлга киритмоқчимиз”, - дейди Шукурали Пўлатов

Жаҳонгир Сотволдиев ёзиб олди

Шукурали Пўлатов: “Пахтакор” “Нефтчи” қарама-қаршилиги ҳар доим шиддатли бўлган”