Қуйида унинг Ўзбекистонга тааллуқли жойини тақдим этамиз.

- Бразилиялик футболчилар Осиё клубига ўтишса демак фаолиятларини якунлашаётган ва пул ишлаб олиш ниятида бўлишади. Сиз ҳам Ўзбекистонда ишлагансиз. Пул сиз учун ҳам биринчи ўринда эдими?

- Йўқ умуман. Пуллар – Ўзбекистонга боришимнинг ягона мақсад эмасди. Европада ҳам кам топмаётгандим. Топ-клубларда доим босим остида бўласиз, у ерда эса бироз енгилроқ эди ва бошқа ишларни ҳам қилиш имкони бор эди. «Бунёдкор»га фақат мураббий сифатида эмас бошқа мақсадда ҳам чақиришганди. Клуб ривожланиш босқичида эди, инфраструктура, ёшларни тайёрлаш ва бошқаларда ўз ҳиссамни қўшишни жуда истагандим.

- Ўзбекистонда футболга алоқадор бўлмаган энг ёрқин воқеаларни айтиб беринг.

- Аввало, у ердаги одамлар менга жуда ёққанди – очиқ ва жуда меҳмондўст. Мамлакатда футболга эътибор жуда юқори. Агар маҳаллий ҳукумат инфраструктура, таълим, тиббиёт, телекоммуникация, транспорт тизимига худди шундай эътиборда бўлаверса Ўзбекистонни юксак келажак кутмоқда. Кўплаб шаҳарларда бўлганман. Тўғриси жамоа билан сафар ўйинларига борганимда шаҳар айланишга вақтим доим ҳам бўлавермаган. Бироқ Самарқандга турист сифатида борганман. Ушбу шаҳарнинг гўзаллигини кўриб лол қолганман – худди шарқона эртакка тушиб қолгандек эдим!

Сколари: "Ўзбекистонга фақат пуллар учун бормаганман"