Вадим Абрамов бошчилигидаги Ўзбекистон миллий терма жамоаси "Пахтакор" марказий стадионида Яманни қабул қилади.

"Спорт" телеканали бош жамоамиз иштирокидаги беллашувни тўғридан-тўғри эфирда намойиш этади. Учрашувни томошабинлар учун Мурод Ризаев ва Бобур Акмалов шарҳлаб боради.
Бундан ташқари, бизнинг гуруҳ ("D" гуруҳи)дан ўрин олган иккинчи тўқнашув ҳам "Спорт ТВ" орқали жонли кўрсатилади. Тошкент вақти билан 22:00да бошланадиган ўйинда Саудия Арабистони терма жамоаси Сингапурни қабул қилади.

Эслатиб ўтамиз, ҳозирча икки турдан сўнг гуруҳимизда Сингапур 4 очко билан пешқадамлик қилмоқда. Кутилмаганда гуруҳ фаворитлари дея эътироф этилган С.Арабистони ва Ўзбекистон терма жамоалари сўнгги икки поғонани банд этишган. Аммо, ҳар икки жамоа ҳам қолганлардан битта кам ўйин ўтказган.

Ўзбекистон терма жамоасини қўллаб-қувватланг.

"Спорт ТВ" бугун Ўзбекистон ўйинидан ташқари гуруҳимиздаги иккинчи баҳсни ҳам жонли кўрсатади