Сречко Катанец: "Эртага майдонга тушадиган футболчилар ўзини кўрсатиш вақти келди" (матбуот анжумани)

Sherzod Nurmatov
18 nov 2024
Ўзбекистон терма жамоаси бош мураббийи Сречко Катанец ва терма етакчиларидан бири Жалолиддин Машарипов КХДРга қарши ўйин олдидан матбуот анжуманида қатнашди.

"Айтиш мумкинки, биринчи учрашувдан сўнг бизда тайёргарлик учун етарлича вақт бўлди. 4 кун ичида футболчиларнинг барчаси тайёргарликни давом эттиришди. Фақат майдон масаласида муаммога учрадик, майдон ҳолати яхши эмасди. Шунга қарамай, эртага бизни муҳим баҳс кутиб турибди. Биз ижобий натижа учун қўлимиздан келган барча ишни амалга оширамиз.

Саралаш доирасидаги барча 10 та учрашувни йўқотишларсиз ўтказишнинг иложи йўқ. Эртага майдонга тушадиган футболчилар ўзини кўрсатиш вақти келди деб ўйлайман. Улар бу имкониятдан унумли фойдаланишлари керак", – деди Катанец.

"Мураббий айтганидек, ҳаммамиз ўзимизга келиб олдик. Навбатдаги учрашувга тайёрмиз. Майдон билан боғлиқ кичик муаммо кузатилди, бироқ ҳозир бунга аҳамият берадиган пайт эмас. Буёғига энг яхши ўйинимизни кўрсатиб, 3 очкони қўлга киритиш учун келдик. Олдимиздаги мақсад – фақат ғалаба.

Ўйлайманки, эртанги учрашувга тайёрмиз. Кучли терма жамоалар бундай жараённи бошдан кечириб туради. Йигитлар билан гаплашдик. Биринчи учрашувни тезда эсда чиқарган ҳолда навбатдаги баҳсга эътибор қаратиш лозим. Кучли терма жамоа ҳеч қачон кетма-кет икки ўйинда мағлубиятга учрамайди. Биз кучли терма жамоамиз. Буни эртанги ўйинда кўрсатиб, мухлисларни 3 очко билан хурсанд қиламиз", – деди Машарипов.

Эслатиб ўтамиз, КХДР – Ўзбекистон учрашуви эртага Янги Лаос Миллий стадионида бўлиб ўтади. Баҳс Тошкент вақти билан 17:00 да старт олиши режалаштирилган.


Sherzod NurmatovМақола муаллифи
Муқова: Championat.asia

Изоҳлар

A1981
19 nov 2024
3 очко олсанглар яхши У́ткир Катардан еганга у́хшаб очкосидан у́тказмаса бу́лди.
******
19 nov 2024
Катанец Куперлар эски давр одамлари улар пайти катеначчи урф булган ва уша улар уша куз билан куради тактикани Бизга замонавий Испан футболини ектирадиган мураббий керак Катанец келди химоямиз заиф деди лекин хеч нимани узгартира олмади чунки химоя заифмас (боримиз шу)уларнинг караши эскича улар футболни уз гоялари билан куради А биз ривожланмокчи булсак ешрок мураббий олиб келишимиз еки испан футболини хуш корувчи Кападзега имкон беришимиз кере
Бахтиёр Ашуров
18 nov 2024
Қанақа қилиб бўлса ҳам, ютинглар. Бошқа иложи йўқ. Олға Ўзбекистон!
Bu shunchaki o'yin
18 nov 2024
Demak Mozgovoy, Iskanderov, Amonov, Abduxoliqov, Xojimatlarni ertaga asosiyda ko'ramiz. Biz MTJdan xafamasmiz. Ishonchimiz so'nmadi! KXDRni yutamiz! Olg'a yigitlar!
IBOH SARIASIYA
18 nov 2024
Омад йигитлар.Ўтган ўйин ҳам ёмон бўлмади.ИншаАллоҳ ғалаба бизники бўлади.Бошни тик кўтаринглар.