Бу Стивен Жеррард учун "Астон Вилла" бош мураббийи сифатидаги илк ўйин эди.

"Ҳаяжон, енгиллик ва ғурурни ҳис қиляпман. Футболчилар билан фахрланмоқдаман. Баъзилар бор-йўғи бир неча кун биз билан бирга ишлашди, аммо ўзларидан сўралган ишни бажариб беришди.

Бу футболчи ҳис қилолмайдиган вазият. Мана нима учун футболда қолишга қарор қилгандим. Таъбир жоиз бўлса, бу мен учун дори. Ғалаба қозонишни, курашишни, футболчиларни хурсанд кўришни яхши кўраман.

Футболчиларга йўналиш бериб, ёрдам беришни истайман. Ичимда футболчилик давридек ғалаба учун интилиш, энергия бор", - деди Жеррард.

Стивен Жеррард: "Бу мен учун дори"