Маълумки, бу йилги ўйинлар 2 март куни старт олади. Шу куни 2та учрашув бўлиб ўтади. ПФЛ дастлабки турнинг бошланиш вақтларини маълум қилди. Унга кўра, биринчи турнинг барча учрашувлари 18:30да старт олади.

Coca-Cola Суперлига. 1-тур

2 март, чоршанба

18:30. НЕФТЧИ – ҚЎҚОН-1912 (Яйпан, "Ўзбекистон" стадиони)

18:30. ОЛИМПИК – СУРХОН (Тошкент, "Пахтакор" стадиони)

3 март, пайшанба

18:30. НАВБАҲОР – НАСАФ (Наманган, "Марказий" стадион)

18:30. БУНЁДКОР – СЎҒДИЁНА (Тошкент, "Бунёдкор" стадиони)

18:30. ДИНАМО – ПАХТАКОР (Самарқанд, "Динамо" стадиони)

4 март, жума

18:30. ҚИЗИЛҚУМ – ЛОКОМОТИВ (Олмалиқ, ОКМК стадиони)

18:30. МЕТАЛЛУРГ – АГМК (Бекобод, "Металлург" стадиони)

Албатта, кўпчилик янги мавсумни интиқлик билан кутяпти. Шундай бўлса-да, ўқувчиларимиз фикрини билиш мақсадида Телеграм каналимизга сўровнома қўйдик. Яъни, "Суперлига 1-турида қайси ўйинни кўргани стадионга борасиз?" деган маънода.

Ўтган вақт давомида 21 мингдан зиёд мухлис юқоридаги саволга жавоб сифатида ўз вариантини белгилаган. Энг кўп овозни 48 фоиз билан "Навбаҳор" - "Насаф" учрашуви олди. Кўриниб турибдики, кўпчилик шу ўйинни сабрсизлик билан кутмоқда.

21 фоиз иштирокчи "Стадионга боришга вақтим бўлмаса керак" деган вариантда тўхталган. Бу қолган ўйинларга нисбатан кўпроқ фоиз дегани. Эҳтимол, 1-тур чоршанба-пайшанба-жума кунларига қўйилгани боис кўпчилик ишда (ўқишда) бўлар, шу боис вақт бўлмаслиги мумкин.

"Бунёдкор" - "Сўғдиёна"га боришни хоҳловчилар 10 фоизни ташкил этган бўлса, сўровномада қатнашганларнинг 9 фоизи "Нефтчи" - "Қўқон-1912" баҳсини кўриш учун стадионга боришни маъқул кўрган.

Бу борада "Динамо" - "Пахтакор" 6 фоиз овоз тўплади, "Олимпик" - "Сурхон" 3 фоиз, "Қизилқум" - "Локомотив" эса 2 фоиз овоз тўплади. Энг қизиғи, Тошкент вилояти дербиси "Металлург" - АГМК учрашувини стадионда кўришни атиги 1 фоиз мухлис маъқул деб билган.

Суперлига 1-турида қайси ўйинни кўргани борасиз?