2023 йилги Суперлигада ҳакамлар жами 80та пенальти белгилашди ва ундан 61таси гол билан якунланди.

Энг кўп пенальти тепган клуб ОКМК бўлди. Олмалиқ шаҳри жамоаси мавсум давомида 9 марта пенальти тепиш ҳуқуқига эга бўлди ва 8та гол уришга эришди. Иккинчи ўринни "Навбаҳор" эгаллади - 8та пенальти ва 5та гол. "Нефтчи", "Қизилқум" ва "Насаф" клублари 7тадан пенальти тепишди. "Олимпик" белгиланган барча пенальтилардан гол урган ягона клуб бўлди - 6тадан 6та.

Пенальтидан энг кўп гол ура олмаган клублар "Насаф" ва "Навбаҳор" - 3тадан.

Пенальти тепганлар

Клуб	Пенальти белгиланган	Пенальтидан урилган гол
ОКМК	9	8
Навбаҳор	8	5
Нефтчи	7	6
Қизилқум	7	5
Насаф	7	4
Олимпик	6	6
Пахтакор	6	5
Сурхон	6	5
Турон	6	4
Металлург	5	4
Бунёдкор	4	3
Андижон	3	2
Бухоро	3	2
Сўғдиёна	3	2

Энди клуб дарвозасига белгиланган пенальтилар ҳақида маълумот берамиз. 2023 йилда Суперлигада "Қизилқум" дарвозаси томон энг кўп пенальти белгиланди - 11та. Рақиблар шундан 7тасини голга айлантиришди. Дарвозасига пенальтидан энг кўп гол урилган клуб "Сўғдиёна" бўлди - 9та. Жиззах клуби дарвозасига белгиланган барча пенальтилар гол билан тугади.

"Нефтчи", "Насаф" ва "Навбаҳор" дарвозалари томон энг кам 2тадан пенальти белгиланди.

Унинг дарвозасига тепилган пенальтилар

Клуб	Дарвозасига белгиланган пенальти	Пенальтидан урилган гол
Қизилқум	11	7
Сўғдиёна	9	9
Турон	9	8
Пахтакор	9	6
Металлург	6	5
Бунёдкор	6	3
Андижон	5	5
ОКМК	5	4
Олимпик	5	4
Бухоро	5	3
Сурхон	4	2
Нефтчи	2	2
Насаф	2	2
Навбаҳор	2	1

Пенальтини энг кўп қайтарган дарвозабонлар Санжар Қувватов ("Пахтакор") ва Суҳробжон Султонов бўлди - 3тадан. Жавоҳир Илёсов ("Қизилқум") ва Лука Кукич ("Бухоро") 2тадан пенальти қайтаришди. Артём Макосин ("Қизилқум"), Акмал Ортиқов ("Металлург"), Артём Потапов ("Сурхон") ва Ўткир Юсупов ("Навбаҳор") 1 мартадан пенальтини қайтаришди.

Раҳимжон Давронов ("Турон") қўриқлаётган дарвоза томон 9 марта пенальти белгиланди ва уларнинг барчаси гол билан тугади. Милан Митрович ("Сўғдиёна") эса 7та пенальтининг ҳеч бирини қайтара олмади.

Пенальтини энг кўп тепган футболчи Хуршид Ғиёсов (ОКМК) бўлди - 7 марта. Ярим ҳимоячи пенальтидан 6та гол урди.

Ислом Кенжабоев ("Қизилқум") бу мавсум пенальтидан 2 марта гол ура олмаган ягона футболчи бўлди. Яқинда "Насаф"га ўтган ярим ҳимоячи мавсум давомида жами 4 марта пенальти тепди.

Суперлига-2023. Энг кўп пенальти тепган клуб қайси? Энг кўп пенальти қайтарган дарвозабон ким?