Championat.asia тур баҳслари асосида тур лауреатларини аниқлади.

Мубооракнинг "Машъал" клуби бу турда ўз майдонида АГМКни қабул қилди ва ғалабага эришди. Бу йилги Суперлигада фақат бир марта ютқазган олмалиқликлар Муборакда имкониятни бой беришди. Шу туфайли Муборак клуби устози Александр Хомяков championat.asia сайти талқинига кўра 9-турнинг энг яхши мураббийи деб топилди.

"Бунёдкор" - "Навбаҳор" учрашувида 0:0 ҳисоби қайд этилди. Шу куни меҳмонлар посбони Ўткир Юсупов жуда яхши ўйнади. У беллашув давомида 3та сейвни ижро этди ва жамоаси дарвозаси даҳлсизлигини сақлаб қолди. Шу боис Championat.asia сайти талқинига кўра, 9-турнинг энг яхши дарвозабони Ўткир Юсупов бўлди.

Бу турда "Машъал" ярим ҳимоячиси Сардор Абдураимов АГМК дарвозасига чиройли гол урди ва у championat.asia талқинига кўра тур голи деб топилди.

Муборакдаги ўйинда ҳисобни очган Сардор Абдураимов иккинчи голда Зафарбек Акрамовга голли пас берди. Ўйин давомида анчагина катта ҳажмдаги ишни бажарган футболчи ғалаба қўлга киритилишида асосий ролда бўлди. Шу тариқа, Сардор Абдураимов championat.asia талқинига кўра 9-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига

Суперлига. 9-тур лауреатлари