"БУХОРО" – "НЕФТЧИ" 2:2
21 апрель. Бухоро. "Бухоро" спорт мажмуаси
Голлар: Александар Станисавлевич (52; 90+2) — Улуғбек Ҳошимов (32), Иззатилла Абдуллаев (82).

Ҳакамлар: Азиз Асимов, Руслан Самандаров, Амал Султонов, Комилжон Расулов
VAR ҳаками: Аҳрол Рисқуллаев
AVAR: Найим Қосимов
Назоратчи: Валентин Коваленко
Комиссар: Шерзод Ражабов
Огоҳлантиришлар: Всеволод Нихаев (21); Аббосжон Отахонов (73); Соҳиб Муҳаммадиев (75) — Зоир Жўрабоев (45+1); Нурилло Тўхтасинов (69); Андрей Мишенко (89); Мирзохид Ғофуров (90+2).

"Бухоро" — 13. Николо Стоснич, 10. Ҳумоюнмирзо Иминов, 15. Обид Жўрабоев, 16. Жасур Ҳасанов (14. Рустамжон Абдуҳамидов 27), 17. Жамолиддин Убайдуллаев, 22. Рўзимбой Аҳмедов (9. Александр Касян 62), 25. Аббосжон Отахонов, 70. Александар Станиславлевич , 80. Фарруҳжон Иброҳимов, 88. Всеволод Нихаев, 99. Жавоҳир Рўзиев.
Захира: 20. Сардор Қобулжонов, 7. Жасур Азимов, 11. Темурбек Исмоилов, 27. Ихтиёр Тошпўлатов, 28. Соҳиб Муҳаммадиев, 77. Файзуллобек Жуманқўзиев, 91. Асилжон Бегимқулов.

"Нефтчи" — 45. Акбар Тўраев, 2. Зоир Жўрабоев, 4. Андрей Мишенко, 7. Умар Адҳамзода, 8. Нурилло Тўхтасинов, 9. Улуғбек Ҳошимов, 19. Мирзохид Ғофуров, 22. Тома Табатадзе, 24. Ғуломҳайдар Ғуломов (5. Юрий Батюшин 62), 26. Олексей Ларин, 28. Фозил Мусаев.
Захира: 12. Владимир Назаров, 11. Иззатилла Абдуллаев, 13. Лутфулла Тўраев, 17. Абдуллоҳ Олимов, 20. Анвар Ғофуров, 21. Муҳсинжон Убайдуллаев, 23. Диёр Туропов, 70. Аббос Ғуломов.

Ушбу саҳифада учрашувнинг матнли трансляциясини кузатиб боришингиз мумкин бўлди.

ЯНГИЛАШ

Шу паллада, Азиз Асимовнинг финал ҳуштаги чалинди ва "Бухоро" ўз майдонида етакчи "Нефтчи"га ютқазмади.

"Бухоро" сўнгги сонияларда ғалабани ҳам илиб кетиши мумкин эди. Бироқ Акбар Тўраев зарбани қайтарди ва "меҳмонни ҳурмати йўқми, 3 очкони бермадинглар, ҳеч бўлмаса бир очко билан кетайлик" дегандек қараб қўйди рақибларига.

90+4-дақиқа. "Нефтчи" стандарт вазиятга эга бўлди. Узатмадан кейин эса ҳимоячилар тўпни қайтариб юборишди.

90+2-дақиқа. ГООООООЛ! Нуқтага Александар Станисавлевич ишончли тарзда имкониятдан фойдаланди ва дубль қайд этди.

90+2-дақиқа. Огоҳлантириш! Мирзохид Ғофуров охиригача ҳакамга эътироз билдиргани учун огоҳлантирилди.

Азиз Асимовнинг фикри эса ҳамкасблари билан гаплашгандан кейин ҳам ўзгармади.

90-дақиқа. "Нефтчи" футболчилари нима қилиб бўлса ҳам ҳакамга пенальти йўқлигини уқтиришга уринмоқда. Мишенко "мен нима қилай, тўпга қараб сакрадим, ёнимда рақиб пайдо бўлиб қолди, демоқда.

89-дақиқа. Огоҳлантириш! Мишенко жарима майдончасидаги қўполлиги учун огоҳлантирилди ва қўшимчасига Азиз Асимов "Нефтчи" дарвозаси томон пенальти белгилади.

87-дақиқа. Ўзгариш! Мезбонлар таркибида бир йўла уч нафар футболчи алиштирилди, аммо кеч эмасмикин.

82-дақиқа. ГОООООЛ! Ҳозиргина майдонга туширилган Иззатилла Абдуллаев биринчи уринишдаёқ гол уришга муваффақ бўлди.

81-дақиқа. Ўзгариш! Нурилло Тўхтасинов ва Улуғбек Ҳошимов ўрнига Иззатилла Абдуллаев ва Диёр Туропов тушди.

80-дақиқа. Огоҳлантириш! Юрий Батюшин ҳам карточкага лойиқ кўрилди.

76-дақиқа. Мезбонлар яна фаол тарзда ҳужумга ўтишмоқда.

75-дақиқа. Огоҳлантириш! Соҳиб Муҳаммадиев майдонга тушмасданам сариқ олишни "уддалади".

73-дақиқа. Огоҳлантириш! Ҳакам Аббосжон Отахоновга сариқ карточка кўрсатди.

69-дақиқа. Огоҳлантириш! Нурилло Тўхтасинов ҳакамга эътироз билдиришга киришиб кетгани учун огоҳлантирилди.

62-дақиқа. Ўзгариш! "Бухоро" сафида ўйинчи алиштирилди Рўзимбой Аҳмедов ўрнига Александр Касян ўйинга қўшилди.

58-дақиқа. Ҳумоюнмирзо Иминов узоқ масофадан кучли ва аниқ зарба берди, Акбар Жўраев қийинчилик билан бўлсада, тўпни қайтарди.

51-дақиқа. ГООООООЛ! Александар Станисавлевич керакли вақтда керакли жойда пайдо бўлди ва яқин масофадан тўпни тўрга йўллади — 1:1.

46-дақиқа. Иккинчи бўлим бошланди!

Бўлди, ҳакамнинг биринчи бўлим якунланганини билдирувчи ҳуштаги янгради. Биз ҳам бир оз дам оламиз.

45+1-дақиқа. Огоҳлантириш! Ҳуштакдан кейин тўпни тепиб юборгани учун ҳакам Зоир Жўрабоевга сариқ карточка кўрсатди.

45-дақиқа. Биринчи бўлимнинг асосий вақтига 2 дақиқа қўшиб берилди.

40-дақиқа. "Нефти"нинг яна бир ҳужуми хавфли тус олаётганди, Николо Стосничдан сейв.

38-дақиқа. Всеволод Нихаев марказда Тўхтасиновни тўхтатди. Фақат қоидани бузиб. Кимдир унга сариқ карточкаси борлигини эслатиб юборсин!

32-дақиқа. ГООООООЛ! Улуғбек Ҳошимов ҳисобни очди ва меҳмонларни олдинга олиб чиқди! Умар Адҳамзодадан голли узатма.

31-дақиқа. Рўзимбой Аҳмедовни тўп учун курашда рақибнинг икки футболчиси ўртага олишди - фол.

27-дақиқа. Ўзгариш! Жасур Ҳакимов ўрнига Рустамжон Абдуҳамидов туширилди. Бақоевдан кутилмаган қарор. Мураббийни ярим ҳимоячи ҳаракатлари қониқтирмади шекилли.

21-дақиқа. Огоҳлантирилди! Всеволод Нихаев тўпни ололмагач, Фозил Мусаевни майдонга қулатгани учун огоҳлантирилди.

17-дақиқа. Ўйин давом этади. Марказда тўп учун кураш кечмоқда.

15-дақиқа. Николо Стоснични оёққа турғазиш йўлида шифокорлар киперга ёрдам кўрсатишмоқда. Ўйинда мажбурий "пауза".

10-дақиқа. Ҳозирча майдондаги вазият "Нефтчи" етакчию, "Бухоро" аутсайдерлигини умуман акс эттирмаяпти.

8-дақиқа. "Нефтчи"нинг ҳужуми Фозил Мусаевнинг ўзига хос узатмаси туфайли узилиб қолди.

6-дақиқа. Мезбонлар яна бир бурчак зарбасидан наф чиқара олишмади.

"Бухоро" учрашувни фаол бошлади ва илк бурчак зарбасини ҳам амалга ошириб улгурди.

1-дақиқа. Ўйин бошланди!

Баъзи сабабларга кўра, учрашув 10 дақиқа кечроқ бошланди.

Суперлига. "Бухоро" ўз майдонида етакчи "Нефтчи"га ютқазмади